Ўқув қулланма Тошкент 2011 йил

Конфигурация номери	TDD цикли, ms
Субкадр номери
0	1	2	3	4	5	6	7	8	9
0	5	D	S	U	U	U	D	S	U	U	U
1	5	D	S	U	U	D	D	S	U	U	D
2	5	D	S	U	D	D	D	S	U	D	D
3	10	D	S	U	U	U	D	D	D	D	D
4	10	D	S	U	U	D	D	D	D	D	D
5	10	D	S	U	D	D	D	D	D	D	D
6	5	D	S	U	U	U	D	S	U	U	D

D - «пастга» йўналишдаги канал, U – «юқорига» йўналишдаги канал, S – хизмат канали

Аввал айтилганидек, LTE тизимларида бошқа технологиялар (масалан, Wi-Fi ва WiMAX) да ўз афзалликларини кўрсатган OFDM кўплаб уланиш технологияси ишлатилади. OFDM технологияси частота бўйича маълум кенглик Δf да ва бир-бирларига нисбатан ортогонал жойлашган қисқа нимэлтувчиларни мустақил модуляциялаш воситасида кенг полосали сигналларни узатишни бажаради (3.4.1 параграфини кўринг). Кетма-кет маълумотларнинг оқимлари N параллел нимоқимларга бўлинади, сўнг уларнинг ҳар бирининг элтувчилари маълум бир QPSK, 16-QAM ёки 64-QAM модуляция усуллари билан кичик тезликларда модуляцияланади. Бунда бир OFDM-символ бир неча нимэлтувчилар воситасида узатилиши мумкин.

Вақт сатҳида OFDM-символлар маълумотлар майдони (фойдали ахборот) ни ташкил этади ва улар орасида олдинги символни охирги фрагменти такрорий узатилиши тарзида циклик префикс - СР номини олган ҳимоя интервали ишлатилади (3.33-расм).

3.33-расм. OFDM усулининг частотавий-вақтли кўриниши

CP нинг қўлланилиши сигналнинг кўп нурли тарқалиши натижасида қабул қилишда символлараро интерференцияга қарши курашишга қаратилган. Бу шундай бўлиб ўтадики, асосий сигнал (биринчи сигнал) га ушланиб келадиган аксланган сигнал циклик префикс майдонига тушади ва кейин асосий сигналга қўшилмайди.

Эслатиб ўтамизки, LTE да қабул қилинган нимэлтувчи Δf = 15kGs кенглиги 66,67mks ли OFDM-символнинг узунлигига мос келади, бунда стандарт СР нинг минимал узунлиги 4,69mks ни ташкил этади ва тўғри нур бўйича келган сигналдан 1,4km гача ортиқ йўлни босиб ўтган ушланиб келган аксланган сигналларга қарши кураша олади (3.6-жадвал).
Шаҳар шароитида сотали алоқа тизимлари учун бу одатда, етарли бўлади. Аммо, агар оддий (стандарт) префикс етарли бўлмаса, у ҳолда 120km радиусгача бўлган соталарда символлараро интерференцияни сўндира оладиган кенгайтирилган (узунлиги 16,67mks) циклик префикс ишлатилади. Бундай улкан соталар ҳар хил турдаги кўп сонли ва кенг қамровли мультимедиа сервислари - МВМS (ингл. Multicast and Broadcast Multimedia Service) каби узатишлар учун фойдали ҳисобланади. Хусусан, МВМS хизматлари учун (тушунарлики, фақат «пастга» йўналишда) нимэлтувчилар қенглиги 7,5kGs (яъни, стандарт кенгликдан икки марта кичик) ва циклик перефикс узунлиги 33,34mks бўлган ўзига хос слот тузилмаси кўзда тутилган. Бундай тузилмада слот таркибида фақат учта OFDM-символ қўлланади. Кенг қамровли узатиш сервисининг ўзига хос ҳолати сифатида “бир частотали тармоқ асосида кўп сонли ва кенг қамровли узатиш - МBSFN (ингл. Multicast and Broadcast Single Frequensy Network) режими ҳисобланади. Бу режимда бир неча таянч станциялар маълум бир территориал ҳудудда бир вақтни ўзида синхрон равишда барча АУ ларга умумий кенг қамровли сигнални узатади.
3.6-жадвал

LTE тизимидаги циклик префиксларнинг турлари

Префикснинг тури	Префикснинг узунлиги		OFDM-символининг узунлиги		Слотдаги OFDM-символлар сони