Ўқув қулланма Тошкент 2011 йил

Халқаро телекоммуникация иттифоқи (ҲТИ)
Халқаро ҳукуматлараро ташкилот. ҲТИ Парижда 1865 йилнинг 17 майида 22 та давлат томонидан таъсис этилган. 1947 йилдан БМТ нинг махсуслаштирилган ташкилоти (учреждения) ҳисобланади. 180 тадан ортиқ давлатлар ҲТИ аъзоси ҳисобланади. ҲТИ давлатлар орасида РЧС ни тақсимлашни ва ажратилган частоталарни рўйхатга олишни, турли давлатлар радиостанцияларининг ишлашида ҳалақитларни йўқотиш бўйича чораларни ва бошқаларни амалга оширади
Радиоқабуллаш ўликзонаси (ҳудуди)	Сигналарини қабул қилиш бўлмайдиган радиоузаткич атрофидаги зона (ҳудуд).
Микросота	Сотали алоқа тармоғининг иерархик тузилишида талаб қилинган худудларда тармоқ сиғимини таъминловчи сота турларидан бири. У асосан секин харакатланувчи абонентларга хизмат кўрсатади (одатда, пиёдалар ёки шахар кўчаларидаги автомашиналар).
Вақтли ажратишли кўп сонли рухсат этиш (ВАКСРЭ)	Барча абонентлар ахборотларни битта элтувчи частотада, лекин ораларида ҳимоя интерваллари (ингл. TDMA) киритилган турли вақт интервалларида (“ойналарда”) узатадиган рухсат этиш усули.
Ер сирти радиоалоқаси	Космик (коинот) радиоалоқа ва радиоастрономиядан ташқари барча радиоалоқа.
Йўналтирилган антенна	Маълум йўналишларда радиотўлқинларни бошқа антенналарга қараганда, самарали узатиш ва қабул қилишни таъминлайдиган антенна.
Элтувчи частота	Ахборотларни узатиш мақсадида сигналлар билан модуляцияланган гармоник тебранишлар частотаси. Модуляцияланган сигналлар гармоник ҳисобланмайди ва уларнинг спектри элтувчи частотадан ташқари ён частоталарга эга бўлади. Фақат ён частоталар тебранишлари узатиладиган сигналларга эга бўлади.
Номинал қувват	Стандартлар ёки техник шартлар томонидан ўрнатилган ишлатиш шароитларида берилган диапазонда мослаштирилган юкламада ўлчанадиган қувват.