Ўқув қулланма Тошкент 2011 йил

5.5.3. Турли частоталар диапазонларида ва дунёнинг турли давлатларида спектрнинг тақсимланишининг ўзига хос хусусиятлари

5.30–расмда 2 дан 6 GGsгача диапазонда КСУ тизимлари учун рухсат этиладиган частоталар полосаси келтирилган.
Расмдан кўриниб турибдики, полосалар лицензияланадиган ва лицензияланмайдиган сифатида идентификацияланган. Лицензияланадиган дейилганда қоидага кўра, ростловчига бу частоталар полосасини ишлатгани учун тўлайдиган фойдаланувчиларга (операторларга, ташкилотларга, компанияларга) “қатъий бириктириладиган” частоталар полосаси тушунилади. Лицензияланмайдиган полосалар бепул асосда исталган фойдаланувчи учун рухсат этиладиган полосалар ҳисобланади. IEEE 802.11a/b/g/n (Wi-Fi) стандартлари, масалан, лицензияланмайдиган полосаларга асосланган ва бунда у бу частоталар доирасида рақобат қиладиган технологиялардан етарлича “ҳимояланган” бўлиб қолади. Бунда шуни таъкидлаймизки, “лицензияланмайдиган частоталар” тушунчаси етарлича ўзига хос ва фақат Европанинг бир неча давлатлари ва АҚШ учун характерлидир. Бошқа давлатларда эса, барча фойдаланишга рухсат этиладиган частоталар лицензияланади.



5.30–расм. 2GGsдан 6 GGsгача диапазонда КСУ тизимлари учун рухсат этиладиган частоталар полосаси

Лицензияланмайдиган частоталар полосаси (қаерда уларга рухсат этилса) аввало, КСУ хизматлари унча катта бўмаган компания-провайдерлари учун ўзига тортади, чунки улар тармоқларни қуришда вақтни ва маблағни тежайди. Сўнгги ҳисобда, бу охирги фойдаланувчига ҳаражатларни камайтиради ва кенг полосали уланишнинг альтернатив симли узатиш хизматларига рақобатбардош бўлиб қолади.

Лицензияланмайдиган спектр айниқса АҚШда ўзига тортган, чунки у ерда 2GGs дан 6GGs гача диапазондаги лицензияланадиган частоталардаги камчиликлар синалмоқда. Бошқа томондан, лицензияланадиган частоталар полосасига ”эга” бўлган йирик операторлар “VIP- синф” каби хизматларни тақдим этиши мумкин, шунинг учун уларнинг хизматлари ишончли ва сифатли бўлади ва бу уларнинг рақобатли афзаллигини оширишга хизмат қилади.

3,5GGs диапазони

Бу диапазон лицензияланадиган частоталар полосаси диапазонига киради ва Европа, Лотин Америкаси ва Осиёнинг кўплаб давлатларида КСУ тармоқларини қуриш учун рухсат этилади. Диапазон глобал масштабда “ўта юкланган” КСУ тармоқлари ҳисобланади. Умумий 300MGs (3,3GGs дан 3,6GGs гача) полоса симсиз WAN-тармоқлар учун магистрал линияларни қуриш бўйича кенг имкониятларни таъминлайди. Бу диапазоннинг бундай оммавийлиги кўп сонли ускуналарнинг пайдо бўлиши ва WiMAX тизимларининг ишлаб чиқарувчилари ва операторлари орасида соғлом рақобатни вужудга келишига олиб келади. 5.31-расмда КСУ тизимлари учун 3,5GGs диапазондаги частоталар полосаси рухсат этиладиган дунёнинг турли регионларидаги давлатларнинг рўйхати келтирилган.

Дунёда 3,5GGs диапазонининг кенг ишлатилиши EMEA Чехия Республикаси, Франция, германия, венгрия, Греция, ирландия, Норвегия, Польша, Румыния, Россия, Испания, Швейцария, Буюк Британия, Исроил, Турция, Нигерия, Мали Америка Аргентина, Бразилия, Канада, Чили, Колумбия, Коста-Рика, Эквадор, Мексика, Перу, Уругвай, Венесуэла Осиё тинч океан давлатлари Австралия, Хитой, Индонезия, Хиндистон (3,3 – 3,4GGs), Япония, Малайзия, Янги Зеландия, Тайвань, Хитой 3400-3430 ва 3500-3530 бошланиши учун Гонг-Конг ва Сингапурда диапазон сунъий йўлдошли алоқа учун ажратилган

5.31-расм. Дунёнинг хар хал давлатларида КСУ тизимлари учун 3,5GGs диапазонда рухсат этиладиган частоталар полосаси

5GGs диапазони

Бу диапазонда дунёнинг турли регионларида КСУ тизимлари учун ажратилган частоталар полосаларининг бир-бирларини ёпиб қолиш ҳолати вужудга келди. Бутундунё радиоалоқа конференцияси томонидан КСУ тармоқлари ишлатиши учун қўшимча 5470MGs – 5725MGs диапазондаги частоталар полосаси ажратилган. Бевосита WiMAX тармоқлари диапазоннинг юқори полосасида, яъни 5725MGs – 5850MGs частоталардаги диапазонда қурилмоқда, чунки бу ерда рақобат қиладиган технологиялар ва интерференциялар кам (масалан, Wi-Fi тармоқлардан), ташқи антеннанинг рухсат этиладиган қуввати эса 2-4Вт ни (бу диапазоннинг пастки ва ўрта полосаларидаги 1Вт дан фарқли равишда) ташкил этади. Wi-Fi тармоқлари U-NII⁴⁵ пастки ва ўрта полосаларида ишлайди, улар КСУ тармоқлари учун ўз самарадорлигини кўрсатди.
Бу дипазоннининг “лицензияланмайдиган” характери сабабли операторлар тармоқлари учун уни компаниялар босқичма-босқич ўзлаштириши кўзда тутилмоқда (магистрал тармоқлардан ташқари).
Бошқа томондан, 4G даражадаги хизматларни тақдим этишга қодир бўлган частоталар полосасига (яъни, 10MGs ва 20MGs кенгликдаги полосалар) айнан юқори диапазонларда (яъни, 2GGsдан юқори) рухсат этилади. Ва шунинг учун фақат паст частотали диапазонларни ўзлаштириш тормоқларнинг ўтказиш қобилияти бўйича талабларни қониқтира олмайди ва кўринадики, амалда турли диапазонлардаги частоталар полосаларини ишлатадиган комбинацияланган тармоқлар ўз ўрнига эга бўлади