ЎҚув методика маркази

8-машғулот
Мавзу: “Нон иси” ривоятини қайта ҳикоя қилишга ўргатиш
Мақсад:
Қайта ҳикоя қилиш малакасини ўстириш.
Вазифалар:
Болаларнинг боғланган нутқини ривожлантириш.Сўзлаётганда тўғри нафас олишни ривожлантириш.Товушларни сўзларда аниқ айтиш.
Кутилаётган натижалар:
Болаларнинг боғланган нутқи ривожланади.
Болалар асар воқеаларни сўзлаётганда хилма-хил овоз оҳанги турини: сўроқ, ҳайратланиш кабиларни қўллай олишни, жумла тузишни ўрганадилар.
Керакли жиҳозлар:
“Нон иси” ривояти асосида сурат
Машғулотнинг бориши
Тарбиячи: Болалар, Алишер Навоий бобомиз одамларга доимо яхшилик қилганлар, одамлардан ёрдамини аямайдиган, меҳрибон, адолатли инсон бўлганлар.
Бугун мен Алишер Навоий бобомиз ҳақидаги “Нон иси” ривоятини ўқиб бераман. Диққат билан эшитинг, бу ривоятни қайта ҳикоя қилиб берасизлар.
Тарбиячи болаларга ривоятни ифодали қилиб ўқиб беради.
Нон иси
(Ривоят)
Бир куни Хусайн Бойқоро:
-Дунёдаги энг хушбой нарсани келтиринг,-деб қолибди.Унга қучоқ-қучоқ гул келтиришибди.Султон:
-Йўқ,-дебди.
Вазирлар нима қилишни билмай, ўйлавериб бошлари қотибди. Охири тополмасдан Алишер Навоийга мурожаат қилишибди.
Навоий бир сават нон билан саройга етиб борибди.Бир зумда саройни нон иси тутибди.
-Раҳмат, дўстим, -дебди Хусайн Бойқоро нонни кўриб, янги ёпилган нон исини истаётган эдим, топиб келибсиз.
Тарбиячи ривоят бўйича савол-жавоб ўтказади:

1. 
   Хусайн Бойқоро нима келтиришни буюрди?
   
2. 
   Вазирлар кимга мурожаат қилишди?
   
3. 
   Алишер Навоий саройга нима олиб борди?
   

Савол-жавобдан сўнг, ривоят яна бир бор ўқиб берилади ва 5-6 та боладан қайта ҳикоя қилиб бериш сўралади.
Тетиклаштирувчи машқ (Ихтиёрий)
Тарбиячи: болалар, ривоятга хулоса қилиб, “Кексалик-донишмандлик” экан деб ривоят ҳақидаги фикримни якунламоқчиман. Айтилган мақол, ҳикоя қилинган ривоятга мос келадими? (болалар жавоби)
Тарбиячи: мана кўрдингизми, болалар биз нима учун Алишер Навоий бобомизни одамларга доимо яхшилик қилганлар, одамлардан ёрдамларини аямайдиган меҳрибон инсон бўлганлар деймиз. Ўзларини доно маслаҳатлари билан вазирларга ёрдам бердилар, дўсти Хусайн Бойқоронинг кўнглини хушнуд қилдилар.