ЎҚув методика маркази

Май
1-машғулот
Мавзу: “Мен дадамга ёрдамчи” мавзусида шахсий ҳаётдан ҳикоя тузиш
Мақсад: Шахсий ҳаётдан мазмунли изчилликда ҳикоя тузишга ўргатиш
Вазифалар:
Шахсий ҳаёт (тажриба)дан тугалланган ҳикоя тузиш малакасини шакллантириш.
Ўз нутқида уюшиқ бўлакли гаплардан фойдаланиш малакасини мустаҳкамлаш.
Овоз кучининг паст-баландлиги, нутқ суратига эътибор бериш.
Кутилаётган натижалар:
Ҳикоя тўқишга қизиқиш уйғонади
Ўз нутқида уюшиқ бўлакли гаплардан фойдаланиш малакасини мустаҳкамланади.
Овоз кучининг паст-баландлигига эътибор берадилар
Керакли жиҳозлар:
Мавзуга оид расмлар
Машғулотнинг бориши. Бугун болалар, сиз билан дадаларимизга қандай ёрдам беришимиз, қандай кўмаклашимиз ҳақида суҳбатлашамиз. Яхши, одобли болалар дадалари ишдан келсалар, салом бериб кутиб оладилар, қўлларидаги нарсани кўтаришиб юборадилар, уй ишларига кўмаклашадилар-а? Келинглар, ҳозир уйда дадамизнинг қандай ишларига кўмаклашганимиз ҳақида ҳикоя тузамиз.
-Дадасига ёрдамчи болалар қандай яхши ишлар қиладилар?
- Дадангизга қачон, қандай ишларига кўмаклашгансиз?
- Дадангиз билан қандай ишлар қилгансиз?
- Дадангиз бирор иш буюрсалар, қандай бажарасиз?
Савол-жавобдан сўнг тарбиячи намуна ҳикоясини бериши мумкин.
Дам олиш куни дадам ҳовлидаги ерни юмшатиб, экин экишга тайёрладилар. Мен ўзимнинг кичкина кетмонимни олиб, катта кесакларни майдаладим. Дадам ерни чопиб, чуқурчалар ковладилар. Мен чуқурчаларга сув қуйиб чиқдим. Дадам чуқурчаларга гул кўчатини экиб чиқдилар. Мен дадамга кўмаклашганим учун дадам “Баракалла, ўғлим” дедилар.
Жисмоний дақиқа (ихтиёрий)
Болалар билимини текшириш ва мустаҳкамлаш учун саволлар :

• 
  Суратда қайси фасл тасвирланган?
  
• 
  Нима учун шундай деб ўйладингиз?
  
• 
  Расмда қандай меҳнат турлари тасвирланган?
  
• 
  Болалар нима қилишяпти?
  
• 
  Куз фаслида қандай полиз экинлари пишар экан?