ЎҚув қЎлланма ўзбекистон Республикаси Президенти ҳузуридаги Давлат бошқаруви

28
9)
тартибга солиш функцияси – бу давлат хизмати тизимини ва унинг фаолиятини ташкил 
этиш жараёнида бошқарув услублари ва усулларидан фойдаланишдир. Тартибга солиш – ҳуқуқ 
субъектлари учун умуммажбурий бўлган кўрсатмаларни ўрнатиш ҳисобланади. Тартибга солиш 
функцияси бир неча йўналишларда амалга оширилиши мумкин, масалан, норматив ҳуқуқий ҳужжат 
орқали маълум бир соҳадаги хулқ-атвор қоидаларини белгилаш ёки бошқарувнинг аниқ жараёнларини 
(сертификатлаш, лицензиялаш, солиққа тортиш, рўйхатга олиш ва ҳ.к.лар) ўрнатиш;
10)
ҳисобга олиш функцияси – миқдор шаклида ифодаланган ахборотларни, моддий ресурслар 
ҳаракатини, бошқарув фаолиятини амалга ошириш натижаларини, давлат органлари ваколатларини, 
давлат бошқарув қарорларини, бошқарув учун муҳим аҳамиятга эга бўлган ҳужжатларнинг 
мавжудлиги ва ҳаракатини инобатга олишдир. Ҳисобга олиш функцияси қандайдир предметларнинг, 
ҳужжатларнинг, ашёларнинг мавжудлигини аниқлаш учун қўлланилади.
Юридик адабиётларда давлат хизмати функциялари билан бир қаторда, давлат хизмати институтининг 
функциялари ҳам кўрсатиб ўтилган. Давлат хизмати институтининг асосий функцияси – бу давлат-хизмат 
муносабатларини тўғри ва тўлиқ ҳуқуқий тартибга солишдир, яъни давлат қурилишини, давлат аппаратини 
ташкил этиш, самарали фаолият юритишини таъминлаш, инсон ва фуқаролар ҳуқуқлари, эркинликлари ва 
қонуний манфаатларини ҳимоя қилиш масадида хизмат муносабатларини ташкил этишдир. 
Давлат хизмати ҳуқуқий институт сифатида қуйидаги функцияларни амалга оширади:
u
таъминлаш функцияси, яъни давлат ва унинг органларининг вазифа ва функцияларини бажариш. 
Давлат органлари мураккаб тизимга эга бўлиб, уларнинг ҳар бири ўзининг вазифа ва функцияларига 
эгадир. Давлат хизмати айнан шу органларнинг ваколатини амалга ошириш, ижтимоий жараёнларга 
самарали таъсир этиш мақсадида ташкил этилгандир; 
u