Ўқув дала амалиётининг 1-кун мустақил кузатиш машғулот мавзуси

Ўқув дала амалиётининг 1-кун мустақил кузатиш машғулот мавзуси: Умуртқасизлар зоологиясидан ўтказиладиган ўқув-дала амалиётининг мақсади ва вазифалари.
Машғулот мақсади: Техника хавфсизлиги билан таништириш, экскурциялар ташкил этиш методи, умуртқасиз ҳайвонлар устида кузатиш олиб бориш, материал йиғиш методлари билан таништириш
Кечки дарс мавзуси: Амалиёт ўтказила-диган худуднинг шароити ва фойдала-ниладиган жиҳозлар билан танишиш.
Машғулот мақсади: Ўқув–дала амалиётида қўлланиладиган жиҳоз (тўр халта, камера, энтомологик нина, морилка, пахтали тўшакча эфир, фикцаторлар, қўл лупаси, микроскоп) лар билан таништириш, адабиётлар билан ишлаш методларини ўрганиш, коллекция тайёрлаш техникаси билан танишиш.


Амалиёт даврида ўрганиладиган хужжатлар ва материаллар
Амалиёт даврида ўрганиладиган хужжатлар: техника ҳавфсизлиги хужжати, кундалик амалиёт дафтари, ҳисобот дафтари (ушбу хужжатлар пандемия даврида амалиёт ўқитувчиси томонидан масофавий таълим тизими асосида тақдим этилади).
Амалиёт даврида керакли материаллар: энтомологик тўр халтача (сачок), гидробиологик сачок (сув тўр халтачаси), морилка, пинцет, скалпел, энтомологик ниналар, лупа, экскурсия челаги, пахтали тўшакчалар, бинокуляр, микроскоплар, хирургик асбоб-ускуналардан фойдаланилади.


Ўқув-дала амалиётининг мақсади ва вазифалари
Амалиётни ўтишдан мақсад: талабалар ўлкамиз умуртқасиз ҳайвонот дунёсининг хилма-хиллиги, экологик хусусиятлари, амалий ва назарий аҳамиятини ўрганиш.
Амалиётнинг вазифаси: умуртқасиз ҳайвонларнинг асосий систематик гуруҳларини таний олиш, аниқловчи манбалар ёрдамида ишлашни уддалаш, ҳайвонларнинг асосий турлари, уларнинг ҳаёт цикли, кўпайиши, ривожланиши ва амалий аҳамиятини билиш; ҳайвонларни йиғиш, жонсизлантириш, фикцасия қилиш, коллекция тайёрлаш методлари билиш; ҳайвонлар устида мустақил кузатиш олиб бориш, улардан доимий ва вақтинчалик препарат тайёрлаш ишларини уддалай олишлари лозим. Талабалар томонидан ушбу вазифаларни бажарилиши пандемия даврида амалиёт ўқитувчисининг масофавий таълим тизими асосида доимий равишда амалий ёрдам бериб бориши асосида амалга оширилади.


Амалиётда қўйиладиган талаблар
Амалиёт жараёнида амалга оширадиган масалалар доирасида бакалавр:
- ўлкамиз умуртқасиз ҳайвонларнинг кенг тарқалган ҳамда Ўзбекистон Қизил китобига киритилган турларининг тузилиши, ҳаёт кечириши ва тарқалишини билиши керак;
- ҳайвонлар устида кузатиш олиб бориш, ўз кузатишларини хулосалаш, аниқловчи манбалар билан ишлаш кўникмаларига эга бўлиши керак;
- ҳайвонларни йиғиш, жонсизлантириш, фиксация қилиш, коллекция тайёрлаш малакасига эга бўлиши керак.
Амалиёт давомида талабаларга қўйилган талабларни бажарилиши пандемия даврида амалиёт ўқитувчиси томонидан масофавий таълим тизими асосида кузатиб борилади.