ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

6.2. Савдо корхоналарига қўйиладиган санитар-гигиеник талаблар
Савдо дўконларини лойиҳалаштириш санитария меъёр ва қоидалари асосида олиб борилади. Ҳар бир дўкон лойиҳасида кўкаламзорлаштириш майдони бўлиши лозим. Дўконлар тавсиясига, қуввати ва қандай маҳсулотлар сотилишига кўра қуйидаги хоналарга эга бўлади:
1. Савдо хонаси: савдо зали, буюртмаларни қабул қилиш ва тарқатиш зали, кафетерий ;
2. Юк тушириш, сақлаш, сотувга тайёрлаш, қабул қилиш, совуткичли ва совуткичсиз омборхоналар ва қадоқлаш;
3. Ёрдамчи хоналар: қадоқланган маҳсулотлар, инвентария, идишларни қабул қилиш пункти, ахлат сақлаш камералари;
4. Маъмурий –маиший хоналар: директор хонаси, гардероб, душ, ходимлар дам олиш хонаси ва шахсий гигиена хонаси;
5. Техник хоналар: иссиқлик пункти, вентиляция камераси ва бошқалар.
Шаҳар дўконларида раста ва девор орасидаги масофа сотув залининг майдонидан келиб чиқиб 2,8-3,6 м, қишлоқ дўконларида 2-2,8 м бўлиши керак. Растанинг эни 0,9 м, сотув залининг баландлиги 3,3 м (300 м2 гача), 4,2 м (300 м2дан ортиқ бўлганда) бўлиши зарур. Сотув зали 220 м2 бўлса, 1та юк тушириш жойи, 360 м2 - 2та, 650 м2 - 3та, 900 м2 ва ундан ортиқ бўлса, 4та булиши талаб этилади. Ҳар бир юк тушириш майдони 16 м2 дан кам бўлмаслиги керак. Омборхоналарни кўп этажли савдо корхоналарида 1-этажга жойлаштириш тавсия этилади. Кондитерлик дўконларида совуткичсиз омборхоналар билан бир қаторда сотув залининг ҳар 18 м2 ига 1 м2 майдон учун совутиш камераларини ўрнатиш лозим. Савдо-сотиқ корхоналаридаги йўлакларнингэни 1,8- 1.2 м бўлиши талаб этилади.
ТАЪЛИМНИНГ ЗАМОНАВИЙ УСУЛЛАРИ
“Мияга ҳужум” усули.
Талабаларнинг бошланғич билим даражасини баҳолаш учун бу усулдан фойдаланиш мумкин. Гуруҳни 2-3 кишилик кичик гуруҳларга бўлиш Кичик гуруҳларга муаммоли саволга ўз жавоб версиясини беришни таклиф қилиш. Ҳар бир кичик гуруҳ доскага ёки қоғозга ёзиладиган саволга жавоб вариантини таклиф этади. Сўнг кичик гуруҳларнинг жавоблари муҳокамаси келтирилади. Фаол роль ўқитувчига тегишли, аммо муҳокамага талабалар ҳам жалб этилади. Мувофиқ келувчи кичик гуруҳ юқори балл оладиган муътадил жавоб варианти танланади, қолган кичик гуруҳлар мувофиқ равишда пастроқ баҳоланади.
Муаммоли саволлар учун варианлар:

1. 
   Лойиҳанинг 3турини белгиланг:
   

Оптимал жавоб:

1. 
   Индивидуал лойиҳа
   
2. 
   Намунавий лойиҳа
   
3. 
   Қайта қуриш учун лойиҳа
   

2. 
   Қурилиш лойиҳаси хулосасининг 3 таркибий қисми:
   

Оптимал жавоб:

1. 
   Паспорт маълумотлари
   
2. 
   Тасдиқланувчи қисм
   
3. 
   Шахсий хулоса