«устоз-шогирд» муносабатларини такомиллаштиришда шарқ мутафаккирлари ижодидан фойдаланишнинг педагогик шарт-шароитлари

Bahouddin Naqshband shogird muayyan bir sohada ish boshlashi uchun avval o’sha soha mutaxassislari bilan muloqotda bo’lishi, muhit bilan yaqindan tanishishi lozim, deb hisoblaydi. Chunki bu holat unda bu yo’nalish, sohaga nisbatan qiziqish va qobiliyatni shakllantiradi. Uning fikricha, shogird suhbatda kamol topishi, buning uchun qobiliyatli, farosatli, tinibtinchimas, kuchli iroda egasi bo’lish kerak. U ilm o’rganuvchini durga o’xshatsa, murabbiy(ustoz)ni durga shakl beruvchi ustaga o’xshatadi. Alloma ta’limtarbiyaning o’ziga xos xususiyatlari ustoz va shogird o’rtasidagi uzviylik, bog’liqlik bo’lishi, ana shundagina ko’zlangan maqsadga erishish lozimligini qayd etadi. Bahouddin Naqshbandning fikricha, agar har qanday kishida ilm egallashga xohish-istak, qiziqish bo’lsa, u o’z yo’liga o’zi to’siq qo’ymaydi, bunda unga ustozidan amaliy yordam sifatida g’amho’rlik va mehr keladi. Ustoz o’zining bor bilim va tajribasini intiluvchan shogirdlaridan ayamaydi.