Усмонов Б. Ш., Хабибуллаев Р. А

Оралиқ назорат қайдномаси (Midterm Examination) 
Ўзлаштиришнинг оралиқ назорати (Midterm Examination) – талабанинг
фанларни ўзлаштиришини даврий текшириш бўлиб, акдемик календарнинг 

---

72 
8- ва 15-ҳафталарида “Рейтинг қайдномаси”ни тўлдириш орқали тьютор 
томонидан амалга оширилади ва имтиҳонлар бошланишидан олдин 
Регистратор офисига топширилади. Оралиқ назоратни ўтказишни ташкил 
қилиш факультет деканлари зиммасига юклатилади. 
Талабалар рейтинг натижалари бўйича аппеляция ҳуқуқига эгалар. 
Аппеляцияга ариза шахсан талаба томонидан декан номига оралиқ назорат 
ўтказилгандан сўнг 3 кун ичида топширилади ва кафедранинг фан аппеляция 
комиссияси томонидан кўриб чиқилади.
Оралиқ назорат қайдномаси шакли иловада 16-шаклда келтирилган. 
Курс лойиҳаси (иши) фаннинг ишчи ўқув дастурига мувофиқ амалий 
масалаларни ечиш орқали назарий материални сифатли ўзлаштириш 
мақсадида ташкил қилинади. Курс лойиҳаси (иши) ўқув даври мобайнида 
бажарилади ва оралиқ назорат ичида баҳоланади.
Сиртқи таълимда ва ОН бир марта ўтказилиши белгиланган ҳолларда 
қайдноманинг фақат 1-ОН учун ажратилган устунлари тўлдирилади. 
Барча шаклдаги қайдномаларда Ўзбекистон Республикаси Олий ва ўрта 
махсус таълим вазирининг 2018 йил 9-августдаги 19-2018-сонли буйруғига 
илова қилинган “Олий таълим муассасаларида талабалар билимини назорат 
қилиш баҳолаш тизими тўғрисидаги низом”га мувофиқ қуйидагиларни 
инобатга олиш зарур: “аъло” – 90-100%, “А”, “А-”; “яхши” – 70-89%, “B+”, 
“B”, “B-”, “C+”; “қониқарли” – 60-69%, “C”, “C-”; “қониқарсиз” – 0-59%, 
“D+”, “D”, “F”. 
Оралиқ назорат қайдномасига тузатишлар киритиш тақиқланади. 
Аппеляция комиссияси аъзолари қайдномани аппеляция жараёни 
вақтида имзолайдилар. 
Биринчи ва иккинчи оралиқ назорат бўйича 60% дан кам натижа 
кўрсатган, шунингдек, узрли сабаблар билан қатнашмаган талаба имтиҳонгача 
оралиқ назоратни “Шахсий оралиқ назорат қайдномаси” бўйича топшириш 
ҳуқуқига эга. 
“Шахсий оралиқ назорат қайдномаси” шакли иловада 17-шаклда 
келтирилган. 
Шахсий оралиқ қайдномаси асосий “Оралиқ назорат қайдномаси”га 
қўшиб тикилади.