Uslubiy ishlanma

Ko‘chma ustaxonalar.

Ko‘chma ta’mirlash organlari qismlar va okrug ta’mirlash bo‘linmalarining texnik ekspluatatsiya vositalari bo‘lib, qurol aslahalarni dala sharoitlarida joriy va o‘rta ta’mirlash hamda ularga texnik xizmat ko‘rsatishga mo‘ljallangan. Ta’mirlash bo‘linmalarini butlash uchun quyidagi ko‘chma ta’mirlash ustaxonalaridan foydalaniladi:

- divizion artilleriya ta’mirlash ustaxonalari (DARM-70);

- okrug qurol aslahalari ta’mirlash vzvodi uchun polk artilleriya ta’mirlash ustaxonasi (PM-2-70, PM-2-85);

Qurol aslahalarni ta’mirlovchi qism ta’mirlash vzvodi uchun ta’mirlash bo‘linmalari tarkibiga maxsus ko‘chma xizmat ko‘rsatish vositalaridan foydalaniladi:

- NTAS (KRAS) nazorat ta’mirlash stansiyasi;

- NTM (KNP) nazorat tekshiruv mashinasi;

- NTA (KPA) nazorat tekshiruv apparatlari;

- TTVU (MRTS) ta’mirlash texnik vositalari ustaxonasi.

Ko‘chma ustaxonalar va jihozlarni qurol aslahalarni ta’mirlash va texnik xizmat ko‘rsatishdan boshqa maqsadlarda qo‘llash qat’iyan man etiladi.

Tinchlik davrida ulardan O‘R MV ning buyrug‘i bilan belgilangan me’yorlar chegarasida foydalaniladi. Ta’mirlash bo‘linmalari shaxsiy tarkibini qurol aslahalarni ta’mirlash va xizmat ko‘rsatishga dala sharoitida o‘rgatish uchun ko‘chma organlar ishini tashkillashtirish asosida quyidagi prinsiplar yotadi:

- ta’mirlash organlarini qo‘shinlar jangovar tartibiga imkon qadar yaqinda tutish;

- qurol aslahalarning jangovar buzilishlarini aksariyatini bevosita qo‘shinlarda bartaraf qilish;

- ta’mirlash muddatlarini maksimal qisqartirish.