Uslubiy ishlanma

52 – I – 035 HAVO – SUYUQLIK NASOSI.
Havo suyuqlik nasosi nakatnik va muvozanat mexanizmiga havo va suyuqlik haydash uchun xizmat qiladi (8-rasm).

Havo suyuqlik nasosi qopqoqli asos, so‘ruvchi klapan, katta porshen o‘tkazish klapani bilan, kichik porshen dam berib siquvchi klapani bilan, vilkali dasta, tyaga, ulovchi va so‘ruvchi shlanglardan tashkil topgan.

Nasos asosi po‘lat quyma detal ko‘rinishiga ega. U nasosning barcha detallarini yig‘ish uchun xizmat qiladi. Asosning ichki qismi katta porshen diametri bo‘yicha yo‘nilgan va past bosim silindri hisoblanadi.

Nasos asosida kichik porshen va vilkali dastani mahkamlash uchun kronshteyn mavjud.

Nasosni zambarakda o‘rnatish uchun (o‘ng staninada) asosda maxsus ushlagich qilingan. Asosga past bosim silindri tubi vazifasini bajaruvchi qopqoq shpilka va gaykalar bilan mahkamlangan. Asos va qopqoq orasiga charm zichlovchi xalqa o‘rnatilgan. Nasos qopqog‘ida so‘ruvchi klapan, filtr va kran yig‘ilgan.