Услубий қЎлланма фарғона – 020 Ўзбекистон республикаси халқ таълими вазирлиги

2-боб. Халқ таълими тизимида ҳуқуқбузарликлар профилактикасини
амалга оширишнинг мақсади ва вазифалари

3. 
   Халқ таълими тизимида ҳуқуқбузарликлар профилактикасини амалга оширишдан мақсад халқ таълими муассасаларида таълим олувчилар ва халқ таълими тизимида фаолият юритувчи ходимларнинг ҳуқуқий онги ва маданиятини ошириш, ҳуқуқбузарликларнинг содир этилиши сабабларини ҳамда уларга имкон бераётган шарт-шароитларни аниқлаш, бартараф этиш чораларини кўришдан иборатдир.
   

3. 
   Халқ таълими тизимида ҳуқуқбузарликлар профилактикасини амалга оширишнинг вазифалари қуйидагилардан иборат:
   

халқ таълими тизимида ҳуқуқбузарликларнинг содир этилиши сабабларини ва уларга имкон бераётган шарт-шароитларни аниқлаш, уларни бартараф этиш чора-тадбирларини ишлаб чиқиш ҳамда амалга ошириш;

халқ таълими муассасаларида жамоат тартибини сақлаш ҳамда тарбияланувчи, ўқувчи, талаба ва ходимларнинг хавфсизлигини таъминлаш юзасидан ҳуқуқбузарликлар профилактикасини амалга ошириш;

ҳуқуқбузарликлардан жабрланган ва жабрланиш эҳтимоли юқори бўлган шахсларни аниқлаш ва уларнинг хавфсизлигини таъминлаш;

ғайриижтимоий хулқ-атворли, ҳуқуқбузарлик содир этишга мойил ва ҳуқуқбузарлик содир этган шахсларнинг ижтимоий реабилитация қилиниши ва ижтимоий мослаштирилишига кўмаклашиш;

89
халқ таълими муассасаларида таълим олувчилар ва халқ таълими тизимида фаолият юритувчи ходимларнинг ҳуқуқий онги ва маданиятини оширишда уларни ҳуқукбузарликларнинг турлари, содир этилиш усуллари ва воситалари, ижтимоий хавфи ва бошқалар ҳақида огоҳ этиш;

таълим олувчилар ва ходимларда ғайриижтимоий хулқ-атвор ва ҳуқуқбузарлик учун жавобгарликнинг муқаррарлиги ҳиссини уйғотиш борасида тарғибот-ташвиқот ишларини олиб бориш;

вазирлик, унинг тизимидаги ташкилотлар ва муассасалар томонидан ташкил

этиладиган махсус профилактик тадбирларни белгилаш ва амалга ошириш;
вояга етмаганлар ўртасида назоратсизлик ва ҳуқукбузарликлар профилактикасини амалга
ошириш;

диний экстремизм, терроризм ва гиёҳвандлик билан боғлиқ ҳуқуқбузарликлар профилактикасини амалга ошириш;

ҳуқуқбузарликлар профилактикасини амалга оширишда ҳуқуқни муҳофаза қилувчи органлар, шунингдек Ўзбекистон Республикаси Вазирлар Маҳкамасининг 2012 йил 19 июндаги 175-сон қарорига мувофиқ “Оила-маҳалла-таълим муассасаси” жамоат кенгаши аъзолари билан самарали ҳамкорликни ташкил этиш;

халқ таълими бошқарув органларида ҳукуқбузарликлар профилактикаси бўйича амалга оширилаётган ишлар тахлилини олиб бориш.