Ushbu o’quv-uslubiy majmua 5120100- filologiya va tillarni o’qitish (o’zbek tili) bakalavryat ta’lim yo’nalishida ta’lim olayotgan talabalarga mo’ljallangan

Fan bo‘yicha bilim, malaka va ko‘nikmaga
qo‘yiladigan talablar
“Sotsiolingvistika” fanini o‘zlashtirish jarayonida amalga oshiriladigan masalalar doirasida bakalavr:
-tilning ijtimoiy mohiyati, til va jamiyat munosabati, lisoniy vaziyat va uning turlari, bilingvizm va uning turlari kabi masalalarini tahlil qilishni bilishi kerak;
- Sotsiolingvistikaning nazariy masalalari, til ontologiyasi, tilning funksional tasniflari, lisoniy qurilmalar kabi masalalarni tahlil qilish ko‘nikmalariga ega bo‘lishi kerak;
- “Sotsiolingvistika”ning til bilan jamiyatning o‘zaro bog‘liqligiga oid nazariy va amaliy masalalarni hal qilishdagi asosiy fan sifatidagi ahamiyatini asoslash, sotsiolingvistik metodlarini amalda tatbiq qilish malakalariga ega bo‘lishi kerak
Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviy ketma-ketligi
“Sotsiolingvistika” ixtisoslik fani hisoblanib, 7-semestrda o‘qitiladi. “Sotsiolingvistika” dasturini amalga oshirish o‘quv rejasida keltirilgan “Tilshunoslik va tabiiy fanlar”, “Tilshunoslikka kirish”, “Dialektologiya”, “Umumiy tilshunoslik” fanlarida o‘rganiladigan muammolar borasida yetarli bilim va ko‘nikmalarga ega bo‘lishni talab etadi.


Fanning ishlab chiqarishdagi o‘rni
Talabalarda sotsiolingvistika bo‘yicha boshlang‘ich bilimlarni shakllantirish; sotsiolingvistikada faol qo‘llaniladigan terminlarni o‘zlashtirish va sotsiolingvistika oid nazariy masalalar bo‘yicha muayyan bilimga ega bo‘lish va ularni amaliyotda tatbiq etish muhim ahamiyat kasb etadi.
Fanni o‘qitishda zamonaviy axborot va pedagogik texnologiyalar
“Sotsiolingvistika” fanini o‘zlashtirishda o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tatbiq qilish muhim ahamiyatga egadir. Dasturda ko‘rsatilgan mavzular ma’ruza, amaliy mashg‘ulot, seminar mashg‘ulotlari shaklida olib boriladi, shuningdek, fanning dolzarb masalalari talabalarga mustaqil ta’lim sifatida o‘zlashtirish uchun beriladi. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, texnik vositalardan foydalaniladi. Ma’ruza, amaliy va seminar mashg‘ulotlari zamonaviy pedagogik texnologiyaning “Klaster”, “3x4”, “Venn diagrammasi” “Rezyume” “Baliq skeleti”, singari metodlari orqali hamda slaydlar, multimedia namoyishlari bilan o‘tkaziladi.