Ushbu kolleksiya Buxoro Davlat Universiteti Agronomiya va Biotexnologiya fakulteti 13-3

---

Ushbu kolleksiya Buxoro Davlat Universiteti 
Agronomiya va Biotexnologiya fakulteti 13-3 
Bio-20 guruh talabasi Baxshillayev Ozodbek 
tomonidan tayyorlandi. 
BAQACHANOQ (Anodonta) 
— ikki pallalilar sinfiga mansub mollyuskalar urug’i. Plastinka 
jabralilar turkumi sadafdorlar oilasiga kiradi. Chig’anog’ining uzunligi 20 santimetrgacha. 
Chig’anog’ida qulfli tishlar bo’lmasligi tufayli tishsiz deyiladi. Baqachanoq Yevropa, Shimoliy 
Afrika, O’rta Osiyo (jumladan O’zbekiston) va Sibirdagi oqmaydigan yoki sekin oqadigan 
chuchuk suv havzalarida yashaydi. 50 ga yaqin turi ma’lum. Chig’anog’i ikkita palladan 
iborat. Terisi tananing ikki yonida mantiya hosil qiladi, chig’anog’i chetida bo’rtib chiqqan 
naychasimon 2 ta sifoni bor. Suv tana bo’shlig’iga ostki sifondan kirib, ustki sifondan chiqib 
ketadi. Baqachanoq suv oqimi orqali nafas oladi va oziqlanadi. Ayrim jinsli, germafrodit 
turlari ham uchraydi. Tuxumlari jabrasiga yopishib rivojlanadi. Tuxumdan chiqqan lichinkasi 
(gloxidiy) sifon chiqarib, baliqdar terisiga yoki jabrasiga yopishib olib parazitlik qiladi. 
Lichinka suv ostiga tushib voyaga yetadi. Lichinkasi va yosh Baqachanoqlar baliqlar uchun 
oziq hisoblanadi. Chig’anog’i va go’shti uy hayvonlariga em sifatida beriladi. Chig’anog’i 
boshqa sadafdorlarnikiga nisbatan yupqa bo’lganidan sadaf olish uchun foydalanilmaydi.