Urmaiov N. J., R o ‘ziyev O. A., Gulmatov J. Q., Berdiyev S. R. Qishloq xo‘jaligiiqtisodiyoti «tafakkur»

Qisqacha xulosalar
Qishloq xo‘jaligini kengaytirilgan takror ishlab chiqarish negizida 
rivojlantirish hamda samaradorligini yuksaltirish uchun ma’lum miqdorda 
moddiy, mablag1 va mehnat sarflar talab etiladi. Ular yordamida ishlar, 
xizmatlar bajarilib, turli xildagi mahsulotlar yetishtiriladi. Bunday sarflar 
doimiy va o'zgaruvchan xarajatlardan iborat bo'ladi. Xarajatlar iqtisodiy 
elementlar, mahsulot yetishtirish texnologik jarayonlari, muddatlari va boshqa 
maqsadlarga ko‘ra turkumlashtiriladi. Ular yalpi va o'rtacha xarajatlardan 
tashkil topadi. Qishloq xo'jalik korxonalarida xarajatlami tejash va mahsulot 
tannarxini pasaytirishga alohida e'tibor berish lozim. Chunki u korxonaning yil 
yakuni bo‘yicha oladigan foydasi summasiga bevosita ta'sir qiladi.
Yalpi va o'rtacha xarajatlar miqdorini kamaytirish maqsadida 
tarmoqdagi barcha jarayonlami mexanizatsiyalashtirish, avtomatlashtirish, 
elektrlashtirish natijasida xarajatlami tejash, ekinlar hosildorligini, chorva 
hayvonlari mahsuldorligini oshirib, mahsulotlar sifatini yaxshilashga erishish 
lozim.
Hozirgi jahon moliyaviy-iqtisodiy inqirozi sharoitida xarajatlami 
tejash, qat’iy tejamkorlik tizimini joriy etish, tannarxni pasaytirish evaziga 
ichki va jahon bozorida mahsulotlarimizning raqobatbardoshligini oshirish 
Inqirozga qarshi choralar dasturining asosiy yo'nalishlaridan biridir.