Қурилиш конструкциялари

4. Юклар ва таъсирлар.

4. Юклар ва таъсирлар.

ҚМҚ 2.01.07-96 «Юклар ва таъсирлар»га асосан бино ва иншоотларга таъсир этувчи юклар ва таъсирлар ҳар хил кўринишда бўлиб, конструкцияга таъсир этиш муддатига қараб доимий ва вақтинчалик (узоқ муддатли, қисқа муддатли ва махсус) юкларга бўлинади.

Доимий юклар конструкцияларнинг хусусий оғирлигидан, замин оғирлиги ва босимидан, олдиндан зўриқтириш кучларидан иборат бўлади.

Узоқ муддатли таъсир этувчи вақтинчалик юкларга қуйидагилар киритилади: бино ва иншоотларга муқим ўрнатилган жиҳозларнинг (ускуналар, дастгоҳлар, мебеллар ва ҳ.к.з) оғирликлари; газ босими; сиғимлардаги суюқлик ва сочилувчан (дон махсулотлари, цемент ва ҳ.к.з) материаллар оғирлиги, кутубхона, турар-жой, жамоат, омборхоналар ва шу турдаги биноларнинг ораёпмаларидаги юклар; шунингдек, технологик жараён ва иқлим таъсирлари; бетоннинг чўкишидан ҳосил бўладиган юклар.

Вақтинчалик юклар ўз навбатида узоқ муддатли, қисқа муддатли ва махсус юкларга бўлинади.

Қисқа муддат таъсир этувчи вақтинчалик юкларга қор қатлами юки, одамларнинг оғирлигидан ҳосил бўладиган юклар, юк кўтариш кранлари, тельферлардан ҳосил бўладиган юклар ва шамол босими киритилади. Махсус юклар зилзила сабабли ҳосил бўладиган инерция кучлари, портлаш, технологик ҳалокат ҳолатидаги кучлар, пойдевор асосининг нотекис чўкиши сабабли ҳосил бўладиган зўриқишлар ҳисобланади.

Эътиборларингиз учун

РАҲМАТ!!!