«Қурилиш» факультети “Мехнат ва атроф мухит мухофазаси”

9-МАШҒУЛОТ: ИНЖЕНЕРЛИК-ГЕОЛОГИК КАРТАЛАР.


Инженерлик-геологик карталар( инженерлик-геологик съёмкалар асосида ҳамда геологик, геоморфологик, гид-рогеологик ва тўртламчи давр ётқизиқлари карталари-дан фойдаланилган ҳолда тузилади. Улар карталар мажмуи ҳисобланиб, умумий геологик ва гидрогеологик шароитларни, ҳозирги даврда ривожланаётган ^геологик ва инженерлик-геологик жараён ва ҳодисаларни ҳамда тоғ жинсларининг хусусиятларини акс эттиради. Мурак-каб геологик шароитли майдонларни инженерлик-геоло-гик нуқтаи назардан тўғри баҳолаш ва қидирув ишла-рини тўғри йўналтириш мақсадида асосий карталарга қўшимча гидрогеологик, сейсмик, грунтларнинг чўкув-чанлигини кўрсатувчи ва районлаштириш карталари тузилади.
Бу карталар асосан уч кўринишда: инженерлик-геологик шароитлар картаси, инженерлик-геологик районлаштириш картаси ва махсус инженерлик-геологик карталар тарзида тузилади. Карталарнинг масштаби ва мукаммаллиги қурилиш майдони инженерлик-геологик шароитларининг мураккаблигиға ва лойиҳалаш талабларига қараб аниқланади.
Инженерлик-геологик шароитлар картаси табиий шароитларни умумий жиҳатдан баҳолаш ва лойиҳалана-ётган иншоотлар қурилишини асослаш мақсадида тузилади.
Инженерлик-геологик районлаштириш картасида майдонларнинг айрим қисмлари инженерлик-геологик шароитларининг умумийлигини ва ўхшашлигини ҳисобга олган ҳолда регион, область, район, участка ва б. га ажратилади. Майдонларни бундай қисмларга ажратиш сони карта масштаби йириклашган сари ошиб боради. Картанинг мукаммаллик даражасини ошириш мақсади-да район ва участкаларни янада кичик қисмларга аж-ратиш мумкин.
Махсус инженерлик-геологик карталар муайян қурилиш объекти учун тузилади. Улар ёрдамида майдоннинг инженерлик-геологик шароитлари баҳоланади ва инженерлик-геологик ҳодисаларнинг қурилиш таъсирида ривожланиши башорат қилинади. Геологик жиҳатдан мураккаб тузилган районлар учун инженерлик-геологик шароитларининг айрим элементларини ифодалайдиган ёрдамчи карталар тузилади. Масалан, геоморфологик, гидрогеологиқ, сурилиш, чўкиш, карст-ланиш карталари. Бундай карталар майдонларнинг асо-сий хусусиятларини ўзида акс эттириб, иншоотларни қуриш учун жуда муҳим ҳисобланади.