Urganch davlat universiteti xorijiy filologiya fakulteti gid hamrohligi va tarjimonlik yo

Bahouddin Naqshbandiy (XVI asr) – Buxorodan 12 km. uzoqlikda joylashgan noyob yodgorlik majmuasi. Majmua buyuk so‘fiy ustoz Bahouddin Naqshbandiy sharafiga qurilgan.
Bahouddin Naqshbandiy majmuasida ushbu ajoyib insoning hayoti va faoliyati bilan bog‘liq qiziqarli eksponatlar va maʼlumotlar namoyish etilgan muzey mavjud.
Poi Kalon meʼmoriy ansambli
Buxoroning Registon maydonidagi ulug‘vor Kalon minorasi etagida joylashgan Poi Kalon meʼmoriy ansambli XII-XVI asrlarda barpo etilgan. Majmua ikki madrasa - Miri-Arab va Amir-Olimxon madrasalari, Kalon minorasi va shu nomdagi masjiddan iborat.
Qizig‘i shundaki, bu joyda arablar istilosidan keyin VIII asrda ham minorasi bo‘lgan jome masjid mavjud edi.
XII asrda shaharni qayta qurish boshlanadi, bu esa yangi masjid va minorani qurilishiga olib keladi. Markaziy Osiyolik tarixchi Narshaxiyning guvohlik berishicha, minora chiroyli yasalgan bo‘lsada, bardoshli emas edi. Uning so‘zlari bashoratli chiqadi, chunki qurilish tugashi bilanoq minora yiqilib, masjidning katta qismini vayron qiladi. 1127 yilda shu kungacha saqlanib qolgan yangi masjid va Kalon minorasi qurilgan.
Majmua hozirgi holatga XVI asrda yangi masjid va Mir-Arab madrasasi qurilgan paytda keladi.
Labi Hovuz ulug‘vor ansambli qadimiy Buxoroning markaziy yodgorliklaridan biridir. Markaziy maydonni Ko‘kaldosh madrasasi, Devonbegi madrasasi va taniqli xonaqoh (so‘fiylar hujrasi) tashkil etadi.
Bir paytlar Labi Hovuz Buyuk Ipak yo‘lidagi savdo nuqtasi bo‘lib, yaqin atrofda savdo ko‘chasining joylashishiga hissa qo‘shgan.
Hozir esa yozning issiq kunlarida najot beruvchi salqin suv yonida kafe bor.
Dastlab bu yerda Nodir Devonbegi madrasasi paydo bo‘lgan, unda xonaqoh, hovuz va karvonsaroy joylashgan bo‘lib, keyinchalik u madrasaga aylantirilgan.
Hovuz yonida konsertlar, milliy o‘zbek liboslari namoyishlari va boshqa ko‘plab jonli tadbirlarni o‘tkazish natijasida sayyohlarning qiziqishi kundan kun ortib bormoqda. Madrasa yonida XX asr oxirlarida bronzadan yasalgan xalq qahramoni Xo‘ja Nasriddin haykali o‘rnatilgan.