Urganch davlat universiteti turizm va iqtisodiyot fakulteti turizm va mehmonxona xo

3. Korxonaning sifat menejmenti sistemasining samaradorligni baholash
Sifat menejmenti sistemasining samaradorligi va natijasini baholash sifat boshqaruvning eng qiyin va muhim masalalaridan biri hisoblanadi. Sifat menejmenti sistemasining samaradorligi va natijaviyligini baholashga bir nechta metodik yondashuvlar mavjud. Shularning ba’zi birlari bilan tanishamiz.

I. Sifat menejmenti sistemasining natijaviyligini uni joriy etish asosida keladigan foyda asosida baholash. Mazkur baholashda rejada bajarilishi kerak bo‘lgan ishlar amalda bajarilgan ishlar bilan taqqoslanadi. Bu usul ma’lum bir kamchiliklarga egadir. Asosiy kamchilik shundaki, bu usul sub’ektiv hisoblanadi. Bu usulda baholash kompaniyaning xodim tomonidan o‘tkaziladi. Xodim esa natijalarni bila turib yuqori baholashi mumkin.

II. Sabab – oqibat bog‘liqligini o‘rnatish asosida yoki sifat menejmenti sistemasini joriy etish va kompaniyaning iqtisodiy ko‘rsatkichlari faoliyati orasida bog‘liqlik asosida iqtisodiy samaradorlikni aniqlash. Bu yondashuv doirasida bir necha usullarni ko‘rsatib o‘tish mumkin.