Urganch davlat universiteti Lingvistika (o‘zbek tili) magistratura mutaxassisligi 1-bosqich talabasi Jumaboyeva Azizaning ilmiy- pedagogik ishlar bo‘yicha hisoboti

Urganch davlat universiteti Lingvistika (o‘zbek tili) magistratura mutaxassisligi 1-bosqich talabasi Jumaboyeva Azizaning
ilmiy- pedagogik ishlar bo‘yicha
HISOBOTI
2021-2022-o‘quv yili davomida Lingvistika (o‘zbek tili) magistratura mutaxassisligi o‘quv rejasida belgilangan fanlardan ma’ruza va amaliy mashg‘ulot1arda qatnashib, fanlarni ijobiy o‘zlashtirdim. Jumladan, mutaxassislik fanlaridan “Psixolingvistika”, “Areal lingvistika”, “Lingvokulturologiya”, “Tilshunoslik nazariyalari tarixi”, “Tilshunoslik ilmiy tadqiqot metodologiyasi” fanlarining ma’ruza, seminar va amaliy mashg‘ulotlarida muntazam qatnashdim va darslarni o‘zlashtirdim. Muntazam ravishda kafedraning ma’naviy-ma’rifiy tadbirlarida qatnashdim. Kafedrada o‘tkazilib kelingan ilmiy seminarlarda ham faol qatnashib, o‘z ilmiy-pedagogik tajribamni boyitib borishga harakat qildim.
Ilmiy amaliyot yuzasidan Magistrlik dessertatsiyasi bo‘yicha ilmiy rahbarim f.f.d., dotsent A.Primov domla bilan uchrashib, “Yangi paydo bo‘lgan so‘zlarning lingvokulturalogik va ekolingvistik xususiyatlari” mavzusini belgilab oldik.
Tanlangan mavzu yuzasidan axborot manbalari va hujjatlarni o‘rgana boshladim. Kafedrada mavzu tasdiqlangandan so‘ng foydalaniladigan adabiyotlar ro‘yhatini shakllantirdim. İlmiy ish yuzasidan tadqiqot kelendar rejasini tuzib, tadqiqot bosqichlarining ketma-ketligi va bajarilish muddatini hamda uning ayrim bosqichlarini aniqlashtirdim. Tadqiqot mavzusiga oid Prezident nutqlari bilan tanishib, tegishli ko‘rsatmalarni oldim. Tadqiqot rejasini tuzish bo‘yicha nazariy ma’lumotlarni chuqur o‘rganib, I bob yuzasidan materiallar to‘pladim. İlmiy ishim yuzasidan to‘plagan nazariy va amaliy ma’lumotlar yuzasidan maqola tayyorladim.
2021-2022- o‘quv yili davomida O‘zbek tilshunosligi kafedrasi professor o‘qituvchilarining ish rejasida o‘tilishi rejalashtirilgan amaliy mashg‘ulot darslarini kuzatib, ularning dars o‘tish mahoratini o‘rganib, pedagogik tajribamni boyitdim.
O‘zbek tilshunosligi kafedrasi o‘qituvchilaridan seminar va ma’ruza mashg‘ulotlariga tayyorgarlik ko‘rish, dars ishlanmalar, ma’ruza matnlari, o‘quv qo‘llanma, testlar, taqdimotlar tayyorlash bo‘yicha maslahatlar oldim va ularning ish tajribalarini o‘rgandim. Seminar va ma’ruza, amaliy mashg‘ulotlarni tahlil qilib, o‘zimga xulosalar chiqardim.
Darslarni kuzatishdan asosiy maqsadim, ta’lim jarayonini amalga oshirishning yanada mukammal metod va shakllarini o‘zlashtirish orqali mashg‘ulotlar mazmunini takomillashtirib borishdan iborat. Ilg‘or tajribalarni o‘rganish va tatbiq qilish o‘quv-tarbiyaiy jarayonlar samaradorligini oshirishning muhim omili ekanini anglagan holda darslarni kuzatib bordim. O‘zbek tilshunosligi kafedrasi o‘qituvchilarining dars o‘tish mahoratini kuzatib, har bir talabaga individual psixologik yondashish lozimligini, darslarni o‘tishda turli metodlardan foydalangan holda noan‘anaviy mashg‘u1otlar tashkil qilish kerakligini o‘rgandim. Har bir tahlil qilingan mashg‘ulotdan o‘z bilim va tajribalarimni boyitib borish uchun foydalanishim hamda ularni ommalashtirishga harakat qilishim zarurligini tushundim.
O‘zbek tilshunosligi kafedrasi o‘qituvchilari mustaqil ravishda mavzular bo‘yicha tayyorlagan taqdimotlarimni, tayanch iboralar, savollar to‘plami va test savollarini ko‘rib, o‘zlarining fikr- mulohazalarini bildirishdi. Zamon talablariga javob bera oladigan ilmiy- pedagogik faoliyatga tayyorlash maqsadida nazariy va amaliy bilimlarni tizimli-uslubiy ravishda ilmiy-pedagogik faoliyatga joriy qilish yuzasidan ko‘rsatmalar berishdi. Semester yakunida kafedra mudiriga taqdimot ko‘rinishida hisobot taqdim qildik.


Ilmiy-pedagogik ish rahbari: f.f.d., dotsent A.Primov
Magistrant: A.Jumaboyeva