Urganch davlat universiteti «kimyoviy texnologiyalar» kafedrasi

Solqi (nusxalama) qaviq. Bir bo’lakdan bo’r yoki belgi chiziqlarini ikkinchi bo’lakka ko’chirish uchun ishlatiladi. Solqi qaviqni bajarish uchun belgi chiziq bo’ylab to’g’ri sirma qaviq singari qaviq tushirilib, iplarni tortmay bo’sh, ya’ni solqi qilib qoldiriladi. Solqi ipning uzunligi 0,5-0,7 sm, qaviq takrorligi esa 5 smda 4-5 tadan bo’ladi. So’ngra bo’laklarni so’rib, qaviq iplari tartmalar. Unga chkari tomonga qaratib qo’yilgan bo’laklar orasida ko’ringan solqi qaviq iplari qaychi bilan qirqiladi. Shu bo’laklardagi qirqilgan iplar uchi bilan chiziq konturini tashkil etadi. Solqi ipning uzunligi 0,5-0,7 sm, qaviq uzunligi 1,0-1,5 sm.



Tepchima qaviq. Bo’laklarni bir biriga ulab, shu Bo’laklarga qo’shimcha qayishqoqlik berish va ularning shaklini ma’lum darajada saqlab turish (adip qaytarmasini qavish) uchun ishlatiladi. Tepchima qaviqning qiya sirma qaviqdan farqi shundaki, tepchima qaviqni bajarishda ustki tomondagi gazlama to’la sanchilib, ostki gazlama yarim qalinlikda ilib olinadi. Natijada ostki bo’lakning o’ngiga qaviq o’tmaydi. (ko’rinmaydi). Ip nomeri-40 –80, qaviq yirikligi 0.5-0,7 sm qaviq orasidagi masofa 0,4-0,7 sm.



To’r qaviq. Bo’laklarni mashinada tikish qiyin bo’lgan joylarini doimiy qaviq bilan tikish uchun ishlatiladi. To’rqaviq hosil qilish uchun ignani gazlama qalinligidan to’la sanchib o’tkaziladi. Yana gazlamadan oldingi teshikdan qaytarib o’tkaziladi.

Bu qaviqlarning tashqi ko’rinishi gazlama o’ngi tomonida mashinada bajarilgan baxyaqatorga o’xshaydi, teskari tomonidan qaviq o’ng tomonidagiga nisbatan ikki baravar yirik bo’ladi.

Qaviq uzunligi 0,2-0,4 sm.