Urganch davlat universiteti Filologiya fakulteti filologiya va tillarni o‘qitish

Urganch davlat universiteti Filologiya
fakulteti filologiya va tillarni o‘qitish:
o‘zbek tili ta’lim yo‘nalishi 2-bosqich
talabasi Polvonnazarova Bibixonga
TAVSIYANOMA
Polvonnazarova Bibixon Shuxratovna Urganch davlat universiteti Filologiya fakulteti filologiya va tillarni o‘qitish: o‘zbek tili yo‘nalishiga to‘lov-kontrakt asosida talabalikka qabul qilindi. Polvonnazarova Bibixon ta’lim olish jarayonida o‘zining tashabbuskorligi, jamoat ishlarida faolligi va ko‘plab fanlardan yaxshi o‘zlashtirishi bilan o‘zini ko‘rsata oldi va o‘qituvchilarining e’tirofi va e’tiboriga sazovor bo‘ldi. U iqtidorli talabalardan biri bo‘lib, o‘zining a’lo baholarga o‘qishi, universitet jamoat ishlari, ma’naviy-ma’rifiy tadbirlarda faol qatnashishi, mehnatsevarligi, qobiliyati, o‘tkir zehni, zukkoligi va namunali xulqi bilan boshqalardan ajralib turadi. Shuningdek, tashkilotchi talaba sifatida, universitetimiz va respublika miqyosida o‘tkazilayotgan bir qator tadbirlarda faol ishtirok qilib kelmoqda.
Ilmiy rahbari bilan birgalikda shoira Halima Ahmedova ijodidagi o‘ziga xosliklar yuzasidan ilmiy ish olib bormoqda va shu mavzuda turli xil maqolalar e’lon qilmoqda. Fakultetimizda an’anaviy tarzda o‘tkazilib kelinayotgan kitobxonlik va insholar tanlovida doimiy ravishda ishtirok qilib faxrli o‘rinlarni egallab kelmoqda. Zamaxshariy nomidagi viloyat kutubxonasi bilan hamkorlikda turli tadbirlar va badiiy uchrashuvlar tashkil qilib, o‘z do‘stlarini ham kitobxonlikka jalb qilib kelmoqda. Bilimlarini yanada mustahkamlash maqsadida onlayn olimpiadalarda faol qatnashib faxrli o‘rinlarni olib, ilmiy bilimlarini ham mustahkamlab bormoqda.
Polvonnazarova Bibixon Shuxratovna universitet hayotida faol talabalardan biri ekanligi, tirishqoqligi va izlanuvchanligi, namunali xulqi va barcha fanlarni a’lo baholarga o‘zlashtirganini inobatga olib, bugungi kunning iqtidorli talabalariga qo‘yilgan talablarga mos keladigan talaba sifatida moddiy rag‘batlantirish uchun tavsiya qilaman.


Filologiya fanlari nomzodi, dotsent: Nasiba Djumaniyozova