Urganch – 2020 O‘zbekiston respublikasi oliy va o‘rta maxsus ta’lim vazirligi urganch davlat universiteti pedagogika fakulteti

34-topshiriq. XALQ OG’ZAKI IJODINI O`RGANAMIZ
1. O`zbek xalq og`zaki ijodi haqida suhbat uyushtiring. Uning qirralarini ochishga harakat qiling.
2. O`zbek xalq ijodida dostonchilikning o`rni va dostonlarning ahamiyatini izohlang.
3. Kaykovusning «Qobusnoma» asarini bilasizmi? Misollar keltiring.
4. Xalq og`zaki ijodining nodir namunalaridan biri bo`lmish «Hotamnoma»dagi inson tafakkurining kengligi, yaxshilik va hayotga cheksiz muhabbat va Hotami Toyning ajabtovur sarguzashtlarini bilasizmi?
5. O`zbek xalqiga xos etnopedagogik xususiyatlari talqini bo`lgan «Mehmonnoma»ni o`qing, an'ana va qadriyatlarning siz uchun yangilik bo`lganlarini daftaringizga qayd eting.
6. O`zbek xalqining milliy urf-odatlari turli marosimlar, an'analar va bayramlarning bolalar tarbiyasidagi o`rni.
7. O`zbek xalq ijodida ona-Vatan, imon-e’tiqod, yaxshilik, ezgulik, ahillik, qadr-qimmatni e’zozlanishi haqida so`zlang.
35-topshiriq. ISLOMDA TA'LIM TARBIYANI O`RGANISH
1. Musulmon ahlining dunyoqarashi, ma'naviyati, axloqi, huquqning asosi bo`lgan Qur'oni Karimda ta'lim-tarbiya masalasini yoriting.
2. Muhammad payg`ambarning qisqacha tarjimai holini so`zlab bering, ibratli hayotini islom yo`lidagi ishlarini bog`lang.
3. Muhammad alayhissalomning Hadisi Shariflarida mu-sulmonlarning moddiy va ma'naviy barkamolligi, ota-onaga hurmat, mehnatsevarlik, mehr-oqibat, ehson, sabr-toqat, poklik kabi insoniy fazilatli bo`lishi haqida so`zlang.
4. Hadis ilmining paydo bo`lishi. Imom Ismoil, al-Buxoriy va Imom at-Termiziyning hadis ilmi rivojidagi xizmatlari haqida suhbat uyushtiring.
5. Axloq-odobga oid hadis namunalaridan keltiring.
6. Islom ilmini o`rganish va o`rgatish usullari, shakllarini eslang, mustaqillik davridagi talqini haqida insho yozing.
36-topshiriq. AMIR TEMUR HAYOTI HAQIDA «TEMUR TUZUKLARI»NI O`RGANAMIZ
1. Amir Temur hayoti va uning avlodlari haqida bilasizmi? Uning hayoti haqidagi rivoyatlarni eslang, ibratli tomonlariga alohida to`xtaling.
2. Amir Temurning odob-axloq, ta'lim-tarbiya to`g`risidagi o`gitlaridan misollar keltiring.
3. Amir Temur nomi bilan bog`liq dunyo tarixiga oltin harf bilan yozilgan shahar, imorat, yodgorlik va meroslar haqidagi tasavvuringizni izohlang.
4. Amur Temur saltanat ishlarini boshqarishda nimalarga e'tibor bergan, nimalarni qoralagan. Misollar keltiring.
5. Amir Temur o’zi amal qilgan 11 sifatni izohlang, ibratli tomonlarini daftaringizga qayd eting,
6. «Yaxshi yomonni kunda sina», «E1 tupursa ko’l bo’lur», «Adovat emas, adolat yengadi», «Bir kalima shirin so`z qilichni qinga kiritar» maqollarini ma'nosini ayting.
7. Mustaqillik yillarida Amir Temur xotirasiga munosabat haqida suhbat uyushtiring.