Urganch – 2020 O‘zbekiston respublikasi oliy va o‘rta maxsus ta’lim vazirligi urganch davlat universiteti pedagogika fakulteti

1-topshiriq. SINF JAMOASI RIVOJLANISH DARAJASINI O`RGANISH
1. Quyidagi savollar bo`yicha o`qituvchi bilan suhbat o`tkazing:
1) Sinf bilan acchadan beri ishlaysizmi? Jamoani yaxshi bilasizmi?
2) Bolalar bir-birlariga nisbatan qanday munosabatda bo`lishadi? Hamma bolalar ham sinfdagi ishlar bilan qiziqadimi? Turli xil jamoa faoliyatlariga ular qanday munosabatda bo`lishadi? Buni misollar bilan ko`rsating.
3) Sinf faollari bormi? Faollarga kimlar kiradi? U qanday tashkil qilingan? Faollarining obro’lari qay darajada? Boshqa bolalar bilan ularning munosabati qanday?
4) Siz o`qituvchi sifatida faollar bilan tez-tez uchrashib turasizmi yoki har zamondami? Ular bilan qanday ishlarni bajarasiz? Faollardan kim sizga hammadan yaxshiroq yordam beradi? Kim sizni ko`proq xavotirga soladi? Nima sababdan?
5) Sinf jamoasi umummaktab jamoasi bilan qanday bog`langan? Sizning sinfingiz qanday jamoat ishlarida ishtirok etgan? Qanchalik muvaffaqiyat bilan?
6) Tarbiyaviy ish bo`yicha bu yil qanday masalalarni hal etmoqchisiz? Ularning muvaflfaqiyatli yechimi uchun nimalarni rejalashtirdingiz?
7) Sizning sinf bilan o`zaro aloqangiz qanday? O`zaro munosabatda sizni nima qanoatlantirmaydi?
8) Sinf jamoasining ishini tashkil etishga o`quvchilarning ota-onalarini qanday jalb qilasiz?


2-topshiriq. DARS YOKI DARSDAN TASHQI MASHG’ULOT YUZASIDAN KUZATISH O’TKAZING VA SINF JAMOASIDAGI O`ZARO MUNOSABATNING XARAKTERI HAQIDA MATERIAL TO`PLANG
1. O`quvchilar bilan suhbatlashing va jamoaning takomil-lashuvi darajasi haqidagi ularning fikrlarini aniqlang.
Suhbat uchun savollar:
1) Sizning fikringizcha sinfingizda jamoa bormi? Agar bor bo`lsa, unda bu nimalarda ko`rinadi?
2) Siz o`z xohishingiz bilan maktab uchun, sinf uchun kerakli, foydali ish qila olasizmi? Bular qanaqangi ishlardan iborat?
3) Sizlardagi har bir kishi bir-birining kamchiligi haqida to`g`ridan-to`g`ri gapira oladimi?
4) Sinf faoli jamoa hayotining haqiqiy tashkilotchisimi?
5) Siz o`z jamoangizning yo`lboshchilariga qanday munosabat bildirasiz?
6) Sizlar har doim ham bir-biringizga nisbatan E’tiborlimisizlar? Hayotdagi va ishdagi muvaffaqiyatlar hamda muvaffaqiyatsizliklar hamma tomonidan yaqin qabul qilinadimi yoki ba'zi birovlar tomonidanmi?
7) Jamoangizning o`z an'analari bormi? Siz ularga nisbatan qanday munosabatdasiz?
8) Sinf jamoasining rivojlanishiga nima ko`maklashadi va nimalar halaqit beradi?