Университети кимё – технология факультети

ИБУПРОФЕН ДОРИ МОДДАСИНИНГ КИМЁВИЙ ВА ТЕХНОЛОГИК 
ХОССАЛАРИНИ АНИҚЛАШ 
Рейпназаров Б. Д. 
Бердақ номидаги Қорақалпоқ давлат университети 
Ишнинг мақсади: 
Касалликларнинг аксарият қисми яллиғланиш 
жараёни билан кечишини инобатга олган холда яллиғланишга қарши 
мўлжалланган препаратлардан тайёр дори воситаларини таркиби ва 
технологиясини таклиф қилиш мақсадга мувофиқдир. Республикамизда 
генерик препаратларни ишлаб чиқаришни йўлга қўйиш, яъни таркиби ва 
технологияси маълум бўлган тайёр дори воситаларини махаллий шароитга 
мослаштириш, уларни таркиби ва технологиясини соддалаштириш орқали, 
ўзимизда ишлаб чиқариш имкониятларини топиш бугунги кунда долзарб 
масала хисобланади. 
 
Усуллар:
Сочилувчанлик ва табиий оғиш бурчаги. 
Сочилувчанлик 
дори модданинг технологиясини ишлаб чиқишда аниқланадиган асосий 
кўрсаткичлардан бири ҳисобланади. Модданинг сочилувчанлигига қараб 
дозанинг аниқлиги, таблетка машинасининг ишлаш меъёри ва тайёр 
маҳсулотнинг сифат кўрсаткичларини олдиндан белгилаш мумкин. 
Сочилувчанлик кукун заррачаларининг шаклига, ўлчамига, сочилувчан 
зичлигига, қолдиқ намлигига, заррачаларнинг электрланиш хоссасига боғлиқ 
бўлади. Табиий оғиш бурчаги эса кукунларнинг сочилувчанлик хоссасини 
ифодалаб, заррачаларнинг ички ишқаланишини белгилайди. Массанинг 

---

395
табиий оғиш бурчаги қанчалик кичик бўлса, модданинг сочилувчанлиги ҳам 
яхши бўлади ва аксинча. 
Сочилувчанлик ва табиий оғиш бурчаги Мариуполь технологик 
ускуналар корхонасида ишлаб чиқарилган ВП 12 А асбобида аниқланилади. 
Бошланғич кукунсимон материалларнинг сочилувчанлиги аниқлаш учун 
улардан 100 г тортиб олинади ва тортма конус бурчаги 60
0
, чиқиш тешиги эса 
воронка конусининг учидан 3 мм масофада тўғри бурчак остида кесилган 
асбоб воронкасига солинади. Тортмани воронкага жойлашдан олдин унинг 
чиқиш тешиги ёпилиши, у жойлаштирилгач эса воронканинг қопқоғи 
ёпилиши керак. Сўнгра асбоб электр тармоғига уланади ва 20 сония 
давомида ушлаб турилади. Бунда вибрация ҳисобига кукун зичланади. Кейин 
асбоб электр тармоғидан ўчирилмаган ҳолда воронка тешиги очилиб, 
кукуннинг оқиб тушган вақти ҳисобланади. Кукунларнинг табиий оғиш 
бурчагини аниқлаш учун 100 г кукун тортиб олиниб, воронкага солинади. 
Кейин тортмани воронка тешигидан эркин ҳолда оқиб тушишига имкон 
берилади. Ҳосил бўлган тоғчанинг асоси ва баландилигига асосланиб, оғиш 
бурчаги транспортирда ўлчанади 
Натижалар: 
Субстанция игнасимон ёки таёқчасимон кўриншли бўлиб, 
эни 0,02, бўйи 0,11 мм, қалинлиги 0,01 мм ни, субстанциянинг асосий 
фрацияси 200-150 мкм ли заррачалардан ташкил топган бўлиб (31,1%), 1000-
500 мкм гача бўлган заррачалар 1,7%, 500-315 мкм гача бўлган заррачалар 
19,3%, 350-250 мкм ли заррачалар 22,1% ни, 250-200 мкм ли заррачалар 
25,7% ни ва нихоят 200-80 мкм ли заррачалар 0,1% ни ташкил этган. Бундай 
фракцион таркибни намоён этган субстанциядан таблетка ишлаб чиқаришда 
уни олдиндан қўшимча равишда майдалашни хожати йўқлигини кўрсатган. 
Шунингдек, бошқа технологик хоссаларидан сочилувчанлик 1,61 кг/с 10
-3
, 
сочилувчан зичлик 225,54 кг/м
3
, прессланувчанлик 20 Н, зичланиш 
кўрсаткичи 6,7 К, қолдиқ намлик 10,6% ни ташкил қилган. Бундай 
технологик хоссаларни намоён этган субстанциядан тўғридан тўғри пресслаб 
таблетка олиш имконияти йўқ.