Universiteti iqtisodiyoti

I-bob.O'zbekistonda barqaror iqtisodiiy o'sish sur'atlari

O'zbekistonda Vazirlar Mahkamasining joriy yilning I choragida respublikani ijtimoiy-iqtisodiy rivojlantirish yakunlari va davlat rahbari tomonidan belgilab berilgan 2016 yili iqtisodiy dasturning eng muhim yo'nalishlari va ustuvor vazifalarini amalga oshirishga bag'ishlangan majlisi bo'lib o'tdi.

Unda mamlakatni rivojlantirishning asosiy makroiqtisodiy ko'rsatkichlari hamda iqtisodiyot va uning tarmoqlari, eng avvalo, sanoat va qishloq xo'jaligini yanada isloh qilish, tarkibiy qayta o'zgartirish va modernizatsiyalash, muhandislik-kommunikatsiya va yo'l-transport infratuzilmasini jadal rivojlantirish, xususiy mulk, tadbirkorlik va kichik biznesni ishonchli himoya qilishni ta'minlash, shuningdek, aholi bandligi va farovonligi darajasini oshirishning o'rtacha muddatli dasturlari ijrosi har tomonlama tahlil qilindi.
Yig'ilishda berilgan ma'lumotlarga ko'ra, 2016 yil uchun qabul qilingan iqtisodiy dasturning eng muhim vazifalari va ustuvor yo'nalishlarini izchil amalga oshirish tufayli O'zbekistonda barqaror iqtisodiiy o'sish sur'atlari kuzatilib, makroiqtisodiy mutanosiblik ta'minlandi. 
Xususan, yalpi ichki mahsulot 7,5% ga, sanoat mahsulotlari 7%, qishloq xo'jaligi mahsulotlarini yetishtirish 6,7%, chakana tovar aylanmasi hajmi 12,8 % ga o'sdi. Davlat byudjeti YAIM ga nisbatan profitsiti 0,1 % miqdoridagi profitsit bilan ijro etildi. Inflyatsiya darajasi prognoz parametrlardan oshmadi.
Xizmatlarning zamonaviy turlari, eng avvalo, axborot-kommunikatsiya texnologiyalariga asoslangan xizmat turlarini jadal rivojlantirish yuzasidan ko'rilayotgan chora-tadbirlar natijasida servis sohasi 12,1 % ga oshib, uningYAIM dagi ulushi o'tgan yilning shu davriga nisbatan 59,3 %dan 59,5 % gacha ko'paydi. 
Kichik biznesni rag'batlantirish, tadbirkorlik faoliyatini tashkil etish va yuritish shart-sharoitlarini yanada yaxshilash chora-tadbirlarining samarasi o'laroq, shu yilning I choragida 8400 ta kichik biznes sub'ekti tashkil etildi. Bu boradagi ko'rsatkichlar 5,5 % ga oshganligini ko'rishimiz mumkin.
Yil boshidan boshlab kichik biznes sub'ektlariga 3,6 trillion so'm, ya'ni o'tgan yilning shu darviga nisbatan 1,3 barobarga ko'p bank kreditlari berildi. Bu esa joylarda yangi ish o'rinlarini tashkil etishga sharoit yaratdi. Ma'lum qilinishicha, 2016 yilda ish o'rinlari tashkil etish va aholi bandligini oshirish dasturi doirasida 167 400 ta yangi ish o'rini yaratildi. Ularning 57,7 % qishloq joylarda tashkil etildi