Универсал-прогрессив модел. Унинг эски моделдан фарқи ва асосий янгиланишлари

Патронажнинг янги моделини амалиётга муваффақиятли амалга ошириш учун қуйидаги тамойилларга риоя қилиш керак:

1. Энг муҳтожлар билан алоқа ўрнатиш ва уларга кўпроқ эътибор бериш керак. Одатда, энг муҳтож оилалар мавжуд хизматлар билан кам таъминланадилар.

2. «Муаммолар ва йўналишларни аниқлаш» механик моделидан «хавф омилларини баҳолаш ва муаммо юзага келмасидан олдин ҳаракат қилиш» моделига ўтилади, яъни хавфнинг олдини олишга йўналтирилган ёндашувга ўтилади. Патронаж ҳамшира боланинг асосий эҳтиёжларини баҳолайди.

3. Турли хил бўлимлар, соғлиқни сақлаш, маҳалла, таълим ва ижтимоий таъминот алоҳида хизматлар ўртасида вазифаларнинг тақсимланишини енгиб ўтишни, тармоқлар ичра ва бошқа ташкилотлар билан ҳамкор алоқаларни ривожлантиради.

4. Патронаж ҳамшираларининг касбий маҳорати ривожлантирилади.

5. Патронаж хизматларининг тегишли бошқарилиши таъминланади.

Универсал-прогрессив моделини амалиётга тадбиқ этиш

• Патронаж хизматининг универсал-прогрессив модели УАШ, педиатр ва акушер-гинеколог ишлайдиган ҳудудда тадбиқ этилади.
• Шунингдек, аёллар ва болаларнинг руҳий аҳволига кўра мурожаат учун туман кўп тармоқли поликлиникаларида руҳшунос мутахассиснинг бўлиши мақсадга мувофиқ бўлади.
• Болалардаги хавфларни бирламчи баҳолашга ва оилани ўқитишга ўртача 40–60 дақиқа вақт керак бўлса, индивидуал режа бўйича қайта ташрифлар учун бажариладиган иш ҳажмига қараб 15–30 дақиқа вақт сарфланади. Шундай қилиб, патронаж ҳамшираси ўзининг 3 соатли ташрифлари учун ажратилган иш соатида 2–3 та хонадонга ташрифни сифатли бажара олади.

Универсал-прогрессив моделини амалиётга тадбиқ этиш (2)

• Патронаж ҳамширалари зарур бўлган хизматларни кўрсатиши учун етарли билим, кўникмаларга ва яхши тайёргарликка эга бўлишлари лозим.
• Патронаж ҳамшираларнинг фаолиятини ташкиллаштиришда ишининг самарасини ошириш учун уларни керакли материаллар тўплами билан таъминлаш зарур (қўл тарозиси, сантиметрли лента, 2 турдаги ҳарорат ўлчагич, яъни термометрлар – тана ва хона ҳароратини ўлчаш, тонометр, қўлни дезинфекцияловчи восита, биринчи ёрдам кўрсатиш учун дорилар тўплами).
• Ҳар бир патронаж ҳамшираси керакли маълумот манбалари (ушбу амалий қўлланма, патронаж ҳамширалари учун услубий кўрсатмалар, брошюралар, эслатмалар ва бошқалар) билан таъминланиши лозим