Ҳунарманд уюшмаси

“Ҳунарманд уюшмаси”нинг миллий ҳунармандчилик тараққиётида ўрни......
	ХУЛОСАВА ТАКЛИФЛАР..................................................................................
	ФОЙДАЛАНИЛГАН АДАБИЁТЛАР РЎЙХАТИ............................................

“ЎЗБЕКИСТОН “ҲУНАРМАНД УЮШМАСИ”НИНГ ФАОЛИЯТИ (1997-2022Й.)” НОМЛИ МАГИСТРЛИК ДИССЕРТАЦИЯ МАВЗУСИГА ЁЗИЛГАН

АСОСНОМА
Ҳунармандчилик инсоннинг ишлаб чиқариш фаолияти билан вужудга келиб, жамият ривожланиши давомида аста-секин деҳқончилик ва чорвачиликдан ажралиб чиқди, турли ижтимоий-тарихий даврлар доирасида техника ривожи билан алоқадор ҳолда такомиллаша борди, турли ихтисосликлар (кулоллик, дурадгорлик, темирчилик, мискарлик, бинокорлик, тоштарошлик, ўймакорлик, каштадўзлик, кўнчилик, тикувчилик, тўқувчилик, заргарлик, дегрезлик, рихтагарлик, зардўзлик, бўёқчилик, кемасозлик, тунукасозлик ва бошқалар)га ажралди. Ҳунармандчилик қандай табиий ресурсларнинг мавжудлигига қараб, масалан, пахта ва пилла бор йерда тўқимачилик, сифатли хомашё бор ерда кулолчилик, жун ва тери кўп ерда тўқимачилик ва кўнчилик, шунга қараб косибчилик, ўрмонлар кўп ерда ёғочсозлик, маъданларга бой ерларда металл ишлаб чиқариш ва темирчилик, денгиз ва дарё бўйларида кемасозлик ва бошқалар ривож топган.
XX асрнинг иккинчи ярмига келиб, жаҳон ҳамжамиятида юз берган ўзгаришлар натижасида ижтимоий дунёқарашни ўзгариши жараёнида инсон омили устувор аҳамият касб этиб, халқ ҳунармандчилиги тубдан ўзгарди. Мустақиллик йилларида ҳунармандчилик фаолиятини давлат томонидан қўллаб-қувватлаш ва унинг ретроспектив жиҳатларидан фойдаланиш бўйича таклифлар ишлаб чиқилди.
Бугунги кунда давлат томонидан соҳа фаолиятини қўллаб-қувватлашнинг қўл меҳнатига асосланган миллий-тарихий ҳунармандчилик фаолиятини баҳолаш мезонларини жорий қилишга асосланган манзиллилиги механизмидан фойдаланиш таклифидан Ўзбекистон Республикасининг “Ҳунармандчилик фаолияти тўғрисида” қонун лойиҳасининг 11-модда. Халқ амалий санъати усталарининг Миллий каталоги ва Туризм соҳасида фаолият юритаётган ҳунармандлар Реестри; 15-модда. Ҳунармандчилик фаолияти йўналишлари каби моддаларни ишлаб чиқишда фойдаланилган («Ҳунарманд» уюшмасининг 2020 йил 20 июлдаги 04-17/736-сон-маълумотномаси). Мазкур таклифнинг амалиётга жорий этилиши ҳунармандчилик фаолиятини ташкилий-ҳуқуқий асосларининг такомиллашувига ва уларнинг иқтисодий ривожланиши учун қулай шарт-шароитларни таъминлашга имкон яратади.