Umurtqalilar

Tirik baqani yorib ichki tuzilishini o'rganish
Yorish uchun tanlangan tirik baqa tajriba o'tkazish uchun qulay. Baqani yorishdan oldin uni bir idishga soling, so'ngra unga bir necha tomchi xloroform tomizilgan paxtani tash- lang. Keyin banka og'zini qopqoq bilan mahkam yopib, baqani idishda 20-30 minut qoldiring. Shunda baqa o'ladi va uni yo­ rish mumkin. Yorishdan oldin baqani sovuq suvda yuvib, 5-
10 minut ochiq havoda xloroform hidini ketkazish uchun shamollating.
Yorish uchun tayyorlangan baqani vanna ichiga chalqan- chasiga (qorin tomonini yuqoriga qaratib) yotqizib, oyoqlari va tumshug'ini to'g'nog'ich bilan vanna tubiga qadang. So'ngra pinset bilan qorin terisini yuqoriga ko'tarib keyingi oyoqlari- ning asosidan bir oz oldinroqda qaychi uchi bilan ko'ndalangiga ozgina kesing, so'ngra shu kesikdan tumshuq tomon terini bo'yiga kesib chiqing.


Terining ichkaridan gavdaga yopishgan joylarini skalpel yoki qaychi bilan qirqing. Hosil bo'lgan teri parchalarini baqaning yon tomoniga yoyib, vannachaga nina yoki to‘g‘nog‘ichlar bilan qadang (45-A rasm). So‘ngra terining ichki yuzasini diqqat bilan ko'zdan kechirsak, juda ko‘p sonda mayda qon tomirlari bilan qoplanganligini ko'ramiz, bu qon tomirlar - juft teri arteriyasi va katta teri venasining tarmoqlaridir.
45-rasm. Baqani yorish sxemasi: