Умумтаълим мактабларида график таълимни ривожлантириш омиллари

Xulosa ………………………………………………………………………….58
Foydalanilgan adabiyotlar………………………………………………………60


KIRISH
Mavzuning dolzarbligi. O’zbekiston Respublikasi mustaqillika erishgandan so’ng jamiyatning barcha sohalarida tub islohotlar amalga oshirildi. Xususan, ta’lim tizimidagi belgilanayotgan islohotlarni hayotga tatbiq qilishda bosqichma-bosqich o’tkazish prinsipi fikrimiz dalili bo’ladi. Shu bois ham “Ta’lim to’g’risida”gi qonun hamda “Kadrlar tayyorlash milliy dasturi”da uzluksiz ta’limni isloh qilishga alohida e’tibor qaratilgan.
O’zbekiston Respublikasining Birinchi Prezidenti I.A.Karimov “Yuksak ma’naviyat – yengilmas kuch” asarida: “Ma’rifatparvar bobolarimizning fikrini davom ettirib, agarki dunyo imoratlari ichida eng ulug’i maktab bo’lsa, kasblarning ichida eng sharaflisi o’qituvchilik va murabbiylikdir, desak o’ylaymanki, ayni haqiqatni aytgan bo’lamiz”¹, deya qayd etgan. Shuningdek, islohotlarni amalga oshirishda ulug’ olimlarimizdan biri Abdulla Avloniyning «Tarbiya biz uchun yo hayot – yo mamot, yo najot-yo halokat, yo saodat-yo falokat masalasidir»² degan fikrini bosh g’oya, asos qilib olish maqsadga muvofiqdir.
Ma’lumki, chizmachilik fani o’quvchilarga geometrik yasashlarni va chizmalarni fazoviy tasavvur qilish yordamida tasvirlash usullarini o’rgatadi va tafakkurni o’stiradi. Shuningdek, ta’lim berishda fanlararo bog’liqlik muvaffaqiyitli o’qitishning zaruriy sharti hisoblanadi. U ayniqsa, ayrim aniq fanlarni o’qitishda juda muhimdir, chunki fanlarning birortasida olingan bilim, o’quv va malakalar boshqasida bevosita foydalaniladi. Bu borada maktablarda fanlararo bog’lanishni hisobga olib o’qitishda o’quvchilarning grafik savodxonligini oshirish dolzarb masalaga aylanmoqda.