Умумтаълим мактабларида график таълимни ривожлантириш омиллари

1-bob bo’yicha xulosa
Bitiruv malakaviy ishining “Umumta’lim maktablarida grafik ta’limni rivojlantirishning nazariy ahamiyati” deb nomlangan 1-bobida Respublikamizda ta’lim tizimiga alohida ahamiyat berilayotgani to’g’risida fikr yuritilgan. Shuningdek, grafik ta’limni rivojlantirishning tarixi va ayrim jihatlari yuzasidan nazariy ma’lumotlar berilgan. Umumta’lim maktablarida grafik ta’limni rivojlantirishga katta xissa qo’shayotgan olimlar va ularni ilmiy maktabi haqida ham aytib o’tilgan.

II-BOB. UMUMTA`LIM MAKTABLARIDA GRAFIK TA`LIMNI RIVOJLANTIRISHNING AMALIY AHAMIYATI


2.1. Maktabda grafik ta`limni rivojlantirish omillari
Hozirgi davrda butun dunyoda barcha sohalar qatori ta’lim tizimida ham kompyuter texnologiyalari va xorijiy tillarni o’rganishga alohida e’tibor qaratilmoqda. Bizning Respublikamizda ham grafik ta’limni rivojlantirishga keng imkoniyatlar yaratib berilmoqda. Jumladan, umumta’lim, o’rta maxsus va oliy ta’lim tizimida kompyuter grafik dasturlarini o’rganish talabi qo’yilmoqda. Grafik ta’limda Paint, Corel DRAW, AutoCAD dasturlaridan foydalaniladi. Biz quyida AutoCAD gragik dasturini yuklash va oddiy geometrik jismlar yasash usullari haqida qisqa ma’lumot keltirib o’tdik.
Dasturlar: sistemali-operatsion va amaliy dasturlarga bo‘linadi. Operatsion dasturlar-foydalanuvchini kompyuter bilan muloqot qilishida vositachi bo‘lib xizmat qiladi. Ular, yordamida tezkor xotiradan foydalanish, disketlardagi axborotlarni o‘qish, axborotlarni disketga yozish, amaliy dasturlarni ishga tushirish kabi amallar bajariladi.
Amaliy dasturlar - u yoki bu grafik axborotlar uchun tuziladi va kompyuterga kiritiladi. Dasturlar Beysik yoki Paskal tilida tuziladi. Ushbu o‘quv qo‘llanmada kompyuter grafikasida loyihalashning avtomatlashtirilgan tizimi AutoCAD programmalaridan foydalanib, grafik axborotlarni kompyuterda bajarishni o‘rgatiladi. Bunda, foydalanish uchun ishlab chiqilgan AutoCAD ning oxirgi versiyalaridan AutoCAD-2007 dasturlaridan foydalaniladi.