Umumkasbiy fanlar

I. ISHCHI DАSTUR…………………………………………..
6
II. MОDULNI O‘QITISHDА FОYDАLАNILАDIGАN INTЕRFАОL TА’LIM MЕTОDLАRI………………………	16
III. MA’RUZA MATNI MАTЕRIАLLАRI………………....	23
IV. АMАLIY MАSHG‘ULОT MАTЕRIАLLАRI…………	76
V. GLОSSАRIY……………………………………………...	141
VI. АDАBIYOTLАR RO‘YХАTI…………………………..	147

ISHCHI DASTUR

KIRISH
Ushbu ishchi о‘quv dasturi О‘zbekiston Respublikasining “Ta’lim tо‘g‘risida” 2020-yil 23-sentabrda Qonuni, О‘zbekiston Respublikasi Prezidentining “О‘zbekiston Respublikasini yanada rivojlantirish bо‘yicha Harakatlar strategiyasi tо‘g‘risida” 2017-yil 7-fevraldagi PF4947-son Farmoni, “Xalq ta’limi tizimiga boshqaruvning yangi tamoyillarini joriy etish choratadbirlari tо‘g‘risida” 2018-yil 5-sentabrdagi PQ–393-son qarori, shuningdek, О‘zbekiston Respublikasi Prezidentining “О‘zbekiston Respublikasi Xalq ta’limi tizimini 2030-yilgacha rivojlantirish konsepsiyasini tasdiqlash tо‘g‘risida” 2019-yil 29-apreldagi PF–5712-son Farmoni, О‘zbekiston Respublikasi Prezidenti Shavkat Mirziyoyevning 2019-yil 23-avgust kuni о‘tkazilgan videoselektorda “Maktab ta’limini rivojlantirish umumxalq harakatiga aylanishi zarur” mavzusida sо‘zlagan nutqi hamda О‘zbekiston Respublikasi Prezidentining “Ta’lim-tarbiya tizimini yanada takomillashtirishga oid qо‘shimcha chora-tadbirlar tо‘g‘risida” 2020-yil 6-noyabrdagi PQ–4884-son qarorida kо‘rsatib о‘tilgan hamda 2020-yil 30-oktabrdagi videoselektorda ta’lim-tarbiya tizimini yanada rivojlantirish bо‘yicha Prezidentimiz Shavkat Mirziyoyev belgilab bergan ustuvor vazifalar mazmunidan kelib chiqqan holda tuzilgan bо‘lib, u zamonaviy talablar asosida fan о‘qituvchilari malakasini oshirish jarayonlarining mazmunini takomillashtirish hamda ularning kasbiy kompetentligini oshirishni nazarda tutadi.

Ushbu ishchi о‘quv dasturiga tinglovchilarning talab va ehtiyojlarini о‘rganish asosida mavzular kiritilgan bо‘lib, boshlang‘ich ta’lim fanlarini о‘qitish sifati va samaradorligini yanada oshirish nazarda tutilgan.

Dastur mazmuni о‘quv jarayonida axborot-kommunikatsiya texnologiyalarini qо‘llash, boshlang‘ich ta’limda media mahsulot (video, audio, taqdimot va gipermatn) lardan foydalanish, boshlang‘ich ta’limda innovatsion yondashuvlar, boshlang‘ich ta’lim о‘quv jarayonini tashkil etishning zamonaviy usullarini о‘z ichiga oladi. Boshlang‘ich ta’lim fanlari bо‘yicha tegishli yangi bilim, kо‘nikma, malaka va kompetensiyalarni shakllantirishga yо‘naltirilgan.

Mavzular xalq ta’limi tizimi pedagog kadrlarini qayta tayyorlash va malakasini oshirish mazmuni, sifati va ularning tayyorgarligiga qо‘yiladigan malaka talablari va о‘quv rejasi asosida shakllantirilgan bо‘lib, boshlang‘ich ta’lim о‘qituvchilarini zamonaviy ta’lim va innovatsion texnologiyalar, axborot-kommunikatsiya texnologiyalarini о‘quv jarayoniga keng tatbiq etish darajasini oshirish hisobiga ularning kasb mahoratini muntazam yuksaltirishni nazarda tutadi.

Har qaysi davlat o‘z rivojlanish yo‘lini ilm fansiz tasavvur eta olmaydi. Shuningdek bizning mamlakatimizda ham ilm fanni rivojlantirish, malakali teran fikrlaydigan kadrlarni tayyorlash masalasi davlat siyosati darajasiga ko‘tarilgan. Butun dunyoda ta’lim tizimini rivojlantirish uchun juda ko‘p mablag‘ sarflanadi.

Dunyo pedagoglarining eng katta muammolaridan biri o‘qitish jarayonini soddalashtirish, o‘quvchilarning bilim darajasini yuksaltirish, ularning fanni chuqur o‘zlashtirish uchun ko‘plab ta’lim shakllari hamda metodlar ishlab chiqilmoqda.

“KIMYO FANINI O‘QITISHDA AXBOROT – KOMMUNIKATSIYA TEXNOLOGIYALARIDAN SAMARALI FOYDALANISH” MODULI