Umumiy sug’urta tarmog‘ida sug‘urta zahiralarining shakllanishi

Sug‘urta faoliyati sug‘urtaning har bir xilining xususiyatlarini ko‘zda tutib, quyidagi yo‘nalishlarga guruhlashtiradi.

• Hududlar bo‘yicha: (mamlakatni ichki doirasi va tashqi sug‘urta munosabatlarini e’tiborga olib)
• Davlat va xususiy sug‘urta tashkilotlari
• Tarmoqlar bo‘yicha
• Xavf-xatar xillari bo‘yicha
• Majburiy va ixtiyoriy sug‘urta

Hududlar bo‘yicha sug‘urtalashda mamlakatning ichki doirasida va tashqi iqtisodiy munosabatlarda, shu hisobda xorijiy mamlakatlar bilan sug‘urta sohasida hamkorlik qilish ham ko‘zda tutiladi, bunda faqat eksport-import muammolarigina emas, balki investitsiyalar, diplomatiya xodimlarini ham sug‘urtalash ko‘zda tutiladi. Bunday sug‘urtaning davlat va xususiy tashkilotlari tomonidan amalga oshirilishi mumkin. SHu munosabat bilan dastlab sug‘urta tashkilotlarini quyidagicha guruhlash mumkin:

• faqat xorijiy mamlakatlar investorlari va tashqi iqtisodiy munosabatlarga xizmat qiluvchi sug‘urta tashkilotlari
• qo‘shma sug‘urta tashkilotlari, kompaniyalar,
• faqat mamlakat doirasida huquqiy va jismoniy shaxslarga xizmat qiluvchi tashkilotlar
• davlat hissadorlik sug‘urta tashkilotlari.