Umumiy oʼrta taʼlimning dаvlаt tаъlim stаndаrti

Matematika oʼquv fanining maqsad va vazifalari

 

Umumiy oʼrta taʼlimda matematika fanini oʼqitishning asosiy maqsadi:

Oʼquvchilarda kundalik faoliyatda qoʼllash, fanlarni oʼrganish va taʼlim olishni davom ettirish uchun zarur boʼlgan matematik bilim va koʼnikmalar tizimini shakllantirish va rivojlantirish;

jadal taraqqiy etayotgan jamiyatda muvaffaqiyatli faoliyat yurita oladigan, aniq va ravshan, tanqidiy hamda mantiqiy fikrlay oladigan shaxsni shakllantirish;

milliy, maʼnaviy va madaniy merosni qadrlash, tabiiy-moddiy resurslardan oqilona foydalanish va asrab-avaylash, matematik madaniyatni umumbashariy madaniyatning tarkibiy qismi sifatida tarbiyalashdan iborat.

Umumiy oʼrta taʼlim muassasalarida matematika fanini oʼqitishning asosiy vazifalari:

• Oʼquvchilar tomonidan matematik tushunchalar, xossalar, shakllar, usullar va algoritmlar haqidagi bilim, koʼnikmalar egallanishini taʼminlash;
• inson kamoloti va jamiyat taraqqiyotida matematikaning ahamiyatini anglash, ijtimoiy-iqtisodiy munosabatlar, kundalik hayotda matematik bilim va koʼnikmalarni muvaffaqiyatli qoʼllashga oʼrgatish;
• oʼquvchilarning individual xususiyatlarini rivojlantirgan holda, mustaqil taʼlim olish koʼnikmalarini shakllantirish;
• fanlar integratsiyasini inobatga olgan holda oʼquvchilarda, milliy va umuminsoniy qadriyatlarni, kreativlikni shakllantirish hamda ongli ravishda kasb tanlashga yoʼnaltirishdan iborat.

• Matematika oʼquv fani boʼyicha umumiy oʼrta va oʼrta maxsus, kasb-hunar taʼlimi muassasalari bitiruvchilariga qoʼyiladigan malaka talablari
•  
• 1. Matematika mazmuniga oid umumiy kompetentsiya
• А1
• - berilgan sonlarni va eng sodda kasrlarni oʼqiydi, yozadi, taqqoslay oladi, tartibga solib, turli koʼrinishlarda tasvirlay oladi;
• - sodda sonli ifodaning qiymatini ogʼzaki va yozma hisoblay oladi;
• - sodda amaliy, matnli va mantiqiy masalalarni yecha oladi;
• - tekislik va fazodagi sodda geometrik figuralarni tasavvur qiladi, taniydi va tasvirlay oladi;
• - obʼektlarni xossalari boʼyicha tartiblaydi va sodda kombinatsiyalar tuza oladi;
• - sodda amaliy holatlarda tayyor jadvallarga maʼlumotlar kirita oladi, eng sodda diagrammalar shaklida tasvirlay oladi.

• А1+
• - arifmetik hisob-kitob texnikasiga va juft-toqlikka oid qiziqarli, nostandart va matnli masalalarni yecha oladi;
• - boʼyashlar, qoplashlar, qirqishlar, simmetriyaga oid sodda geometrik masalalarni yecha oladi;
• - sodda amaliy vaziyatlarda kombinatorik va mantiqiy masalalarni yecha oladi;
• - elektron axborot manbalaridan turli koʼrinishdagi sodda matematik maʼlumotlarni izlab topadi, foydalana oladi.
•