Umumiy o‘rta ta’limning davlat ta’lim standarti va o‘quv dasturi

Milliy va umummadaniy kompetensiya: 
A1 
kundalik hayotda matematik usullar samarali ekanligini tushuna oladi; 
zaminimizda yashab o‘tgan buyuk allomalarimiz haqida ma’lumot bera oladi. 
A1+ 
milliy,  ma’naviy  va  madaniy  merosni  qadrlash,  tabiiy-moddiy  resurslardan 
oqilona  foydalanish  va  asrab-avaylashda  matematikaning  o‘rni  beqiyos  ekanligini 
tushuna oladi.  
Matematik  savodxonlik,  fan  va  texnika  yangiliklaridan  xabardor  bo‘lish 
hamda foydalanish kompetensiyasi: 
A1 
aniq hisob-kitoblarga asoslangan holda shaxsiy rejalarni tuza oladi; 
kundalik faoliyatida turli diagramma, chizma va modellarni o‘qiy oladi;  
murakkab  bo‘lmagan  hisoblashlarda,  o‘rganilgan  tenglamani  yechishda, 
o‘rganilgan  turdagi  yassi  va  fazoviy  geometrik  figuralarni  tasvirlashda  hisoblash 
vositalardan va tayyor kompyuter dasturlardan foydalana oladi. 
A1+ 
sodda  savdo-sotiq  munosabatlarda,  kundalik  hayotda  matematik  bilim  va 
ko‘nikmalarni muvaffaqiyatli qo‘llay oladi;  
matematikaga  oid  yangi  bilimlarni  izlashda  axborot-kommunikatsiya 
vositalari, internet saytlaridan foydalana oladi.