Umumiy o'rta ta'lim sifatini oshirish: mazmun, metodologiya, baholash va ta'lim muhiti

670

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

yil  26-noyabrda  O‘zbekiston  Respublikasi  Prezidentining  “Zamonaviy  maktab”  larni 

tashkil  etish  chora-tadbirlari  to‘g‘risida”gi  PQ-4537-son  qarori  qabul  qilinib, 

“Zamonaviy maktablar”ni tashkil etishning huquqiy asoslari, ya’ni fundamenti yaratildi.  

Аslida “Zamonaviy maktablar” qanday bo‘lishi kerak?  

“Zamonaviy maktablar” xalqaro talablarga muvofiq ilg‘or arxitektura yechimlari 

va  energiya  tejaydigan  texnologiyalar  asosida  qurilib  jihozlanadi.  “Zamonaviy 

maktablar” talablariga asoslanib, umumta’lim maktablarini baholash mezonini yaratish 

bo‘yicha  ishlar  olib  boriladi  va  qo‘yiladigan  talablarga  mos  keladigan  umumiy  o‘rta 

ta’lim  muassasalariga  tegishli  darajadagi  muvofiqlik  sertifikati  beriladi.  “Zamonaviy 

maktab”  muvofiqlik  sertifikatiga  ega  bo‘lgan  umumiy  o‘rta  ta’lim  muassasalarining 

rahbar va o‘qituvchilariga ish haqi hamda moddiy rag‘batlantirishning yuqori stavkalari 

qo‘llaniladi.  Xalq  ta’limi  vazirligi  huzuridagi  “Innovatsiya,  texnologiya  va  strategiya 

markazi” mahalliy va xorijiy kompaniyalar vakillarini jalb qilgan holda umumiy o‘rta 

ta’lim  muassasalarini  “Zamonaviy  maktab”  talablari  asosida  baholab,  muvofiqlik 

sertifikatlarini beradi.  

“Zamonaviy  maktab”  namunaviy  loyihalari  bo‘yicha  qayta  tashkil  etiladigan 

umumta’lim  muassasalarining  2030-yilgacha  bo‘lgan  maqsadli  ko‘rsatkichlari:  2024-

yilga borib bunday maktablar soni 828 tani tashkil etadi, 2030-yilda esa bu kabi o‘quv 

muassasalari 4860 taga yetadi yoki umumiy miqdorning 50% ini tashkil etadi. 

Bu borada amalda ishlar boshlangan bo‘lib, Sergeli tumanida har biri 1680 o‘ringa 

mo‘ljallangan yangi ikkita 329- va 330-sonli umumiy o‘rta ta’lim maktablari ochildi.  

Uchtepa  tumanidagi  312-maktab  zamonaviy  talablarga  muvofiq  rekonstruktsiya 

qilinmoqda.  

“Zamonaviy maktablar”da ta’lim sifati qanday bo‘ladi? 

 - Davlat ta’lim standartlari va o‘quv dasturlari xalqaro andozalar talablari asosida 

takomillashtiriladi, o‘quv yuklamalari va fanlarni qayta ko‘rib chiqish masalalariga ham 

e’tibor  qaratiladi.  Misol  uchun,  maktablardagi  ma’naviy-tarbiyaviy  ishlarni  yangicha 

asosda  tashkil  etish  maqsadida  “Milliy  g’oya”,  “Odobnoma”,  “Dinlar  tarixi”,  “Vatan 

tuyg’usi” kabi fanlarni birlashtirgan holda, yagona “Tarbiya” fani joriy qilinadi.  

Yangi  talablar  bo‘yicha  “Zamonaviy  maktablar”ning  boshlang‘ich  sinf  xonasi 

qanday bo‘lishini ko’rib chiqamiz. Demak sinfda 

1) O‘quv maydoni; 

2) Ijodkorlikni va tasavvurni shakllantiruvchi maydon; 

3) Dam olish va o‘yin maydoni bo‘lishi zarur. 

1) O‘quv maydonida: darslarni tashkil etish uchun o‘qituvchi stoli (kompyuter va 

printer  joylashtirilishi  mumkin  bo‘lgan)  va  yarim  yumshoq  stul,  o‘quvchilar  uchun  1 

tabaqali shaklli parta (xona ko‘rinishini o‘zgartirish uchun qulaylik tug‘diradi) va rang-

barang stullar joylashtiriladi. Uch tabaqali cheti magnit qoplamasi bilan to‘ldirilgan doska 

va SMART-doska, elektron resurslar “infokiosk”lardan foydalaniladi. 

---