Umumiy o'rta ta'lim sifatini oshirish: mazmun, metodologiya, baholash va ta'lim muhiti

PISA  testlari  5  ta  yoʻnalish  boʻyicha  oʻtkaziladi:  Oʻqish,  matematik 

savodxonlik,  tabiiy-ilmiy  fanlar,  hamkorlikda  muammolarni  hal  qilish  va  moliyaviy 

savodxonlik  yoʻnalishlari.  Oʻzbekiston  2021-yilda  uch  yoʻnalish:  Oʻqish,  matematik 

savodxonlik  va  tabiiy-ilmiy  fanlar  yoʻnalishlari  boʻyicha  testlarda  qatnashishni 

rejalashtirgan. Hozirda bu dasturga qoʻshilishga tayyorgarlik koʻrmoqda.  

XXI asr – informatsion texnologiyalar asri. Bu asr oʻz mutaxassislaridan umuman 

oldingidan farq qiluvchi kompetensiyalarni talab qiladi. XX asrda va undan oldin kuchli 

xotira,  ensiklopedik  bilim,  oʻz  sohasida  iloji  boricha  koʻproq  maʻlumotni  bilgan 

mutaxassislar  yuqori  qadrlangan  boʻlsa,  endi  bu  bilimlar  hal  qiluvchi  ahamiyatga  ega 

boʻlmay  qoldi.  Qidiruv  tizimlari,  onlayn  ensiklopedialar,  sohalar  boʻyicha  mukammal 

onlayn  maʻlumotlar  bazalari  yaratildiki,  endi  bu  maʻlumotlarni  eslab  qolish  zaruriyati 

ikkinchi planga tushib qoldi. 

Hozirgi  zamon  mutaxassisida  bu  bilimlarni  tahlil  qilish,  ulardan  yangi 

maʻlumotlarni hosil qila olish, xalq tili bilan aytganda “kosa tagidagi nimkosa”ni koʻra 

olish kompetensiyasi birinchi oʻringa koʻtarilayapti. 

PISA  testlari  xuddi  shu  oʻzgarishlarni  taʻlim  tizimida  aks  ettirish,  maktab 

oʻquvchilarining  haqiqiy  hayotda  kerak  boʻladigan  hodisalarni  tahlil  qilish,  ulardan 

xulosa  chiqarish  va  muloqotga  kirishish  koʻnikmalarini  qay  darajada  egallayotganini, 

---