Umumiy o'rta ta'lim sifatini oshirish: mazmun, metodologiya, baholash va ta'lim muhiti

 

FUQARONI TARBIYALASHNING SINGAPURCHA TAJRIBASI 

 

Jabborova Zebo Nurqobilovna, 

 Respublika ta’lim markazi, Ijtimoiy va gumanitar fanlar bo‘limi metodisti 

 

Taraqqiyot  iqtisodiyotning  sohalarida  sodir  bo‘lsa  ham,  u  doimo  ma’rifat  va 

axloqiy mezonlar bilan o‘lchanadi. Insonlar turmush tarzi ilg‘or g‘oyalar bilan qanchalar 

yuksalmasin, tarbiya hayot mazmunining tarozisi bo‘lib qolaveradi.  

Yoshlarni tashabbuskor, uzoqni ko‘zlaydigan, bilimli va malakali qilib tarbiyalash 

asnosida  ularning  shuurini  milliy  va  umuminsoniy  qadriyatlar  bilan  to‘yintirish  – 

oldimizdagi  muhim  vazifa.  Bog‘chadan  boshlab  oliy  o‘quv  yurtigacha  –  ta’limning 

barcha  bo‘g‘inlari  isloh  qilinayotgan  hozirgi  jarayonda  buni  hisobga  olgan  maqsadga 

muvofiq. Sharq donishmandlari aytganidek, “Eng katta boylik – bu aql-zakovat va ilm, 

eng katta meros – bu yaxshi tarbiya, eng katta qashshoqlik – bu bilimsizlikdir!”.  

Shu  sababli  hammamiz  uchun  zamonaviy  bilimlarni  o‘zlashtirish,  chinakam 

ma’rifat va yuksak madaniyat egasi bo‘lish uzluksiz hayotiy ehtiyojga aylanishi kerak.  

O‘zbekiston  Respublikasi  Vazirlar  Mahkamasining  “Umumiy  o‘rta  ta’lim 

muassasalarida  “Tarbiya”  fanini  bosqichma-bosqich  amaliyotga  joriy  etish  chora-

tadbirlari  to‘g‘risida”gi  2020-yil  6-iyuldagi  VM-422-sonli  qarori  ijrosini  ta’minlash 

maqsadida  Xalq  ta’limi  vazirligi  tomonidan  “Odobnoma”,  “Vatan  tuyg‘usi”,  “Milliy 

istiqlol g‘oyasi va ma’naviyat asoslari”, “Dunyo dinlari tarixi”, kabi fanlarni birlashtirgan 

holda,  umumiy  o‘rta  ta’lim  maktablarida  2020-2021  o‘quv  yilidan  yagona  “Tarbiya” 

fanini bosqichma-bosqich joriy qilish bo‘yicha ishlar amalga oshirilmoqda.  

---