Umumiy o‘rta ta’lim muassasasining ichki tartib

0 ‘ZBEKIST0N RESPUBLIKASI XALQ TA’LIMI VAZIRINING

BUYRUG‘I

Umumiy o‘rta ta’lim muassasasining ichki tartib va odob-axloq qoidalarini tasdiqlash to‘g‘risida

Mamlakatimizda yoshlarga sifatli ta’lim-tarbiya berish tizimi 0 ‘zbekiston Respublikasi Konstitutsiyasi, “Ta’lim to‘g ‘risida”gi Qonun, “Kadrlar tayyorlash milliy dasturi”, “Bola huquqlarining kafolatlari to‘g ‘risida”gi Qonun va 0 ‘zbekiston Respublikasi Prezidentining “Yoshlarni ma’naviy-axloqiy va jismoniy barkamol etib tarbiyalash, ularga ta’lim-tarbiya berish tizimini sifat jihatidan yangi bosqichga ko4arish chora-tadbirlari to‘g‘risida” 2018-yil 14-avgustdagi PQ-3907-son va “Ma’naviy-ma’rifiy ishlar samaradorligini oshirish bo‘yicha qo‘shimcha chora-tadbirlar to‘g‘risida” 2019-yil 3-maydagi PQ-4307-son qarorlari hamda 0 ‘zbekiston Respublikasi Prezidenti Administratsiyasining 2019-yil 7-noyabrdagi 25445-xh-sonli topshirig‘i ijrosini ta’minlash maqsadida buyuraman:

1. 
   Umumiy o‘rta ta’lim muassasasining ichki tartib va odob-axloq qoidalari ilovaga muvofiq tasdiqlansin.
   
2. 
   Ma’naviy-axloqiy tarbiya boshqarmasi (A.Tagaev)ga:
   

umumiy o ‘rta ta’lim muassasasining ichki tartib va odob-axloq qoidalariga barcha turdagi ta’lim muassasalarida izchil amal qilinishi ustidan qat’iy nazorat o‘rnatish;

o ‘quvchi-yoshlaming ma’naviy-axloqiy tarbiyasi bilan bog‘liq holda qabul qilinayotgan normativ-huquqiy hujjatlar, shuningdek, zamon talablari asosida umumiy o ‘rta ta’lim muassasasining ichki tartib va odob-axloq qoidalarini takomillashtirib, zarur holatlarda unga o‘zgartirish hamda qo‘shimchalar kiritib borish vazifalari yuklatilsin.

3. 
   Qoraqalpog‘iston Respublikasi Xalq ta’limi vaziri, Toshkent shahar xalq ta’limi bosh boshqarmasi va viloyatlar xalq ta’limi boshqarmalari boshliqlari hamda vazirlik tasarrufidagi umumta’lim muassasalari rahbarlariga:
   

bir hafta muddatda umumiy o ‘rta ta’lim muassasasining ichki tartib va odob-axloq qoidalarini tizimdagi barcha umumta’lim muassasalariga yetkazish;

umumiy o ‘rta ta’lim muassasasining ichki tartib va odob-axloq qoidalarining maqsad va vazifalarini maktabning pedagogik jamoasi, o ‘quvchilar hamda ulaming ota-onalari o ‘rtasida keng targ‘ib qilish;

umumiy o ‘rta ta’lim muassasasining ichki tartib va odob-axloq qoidalarini maktab binosining ichki kirish (foye) qismiga alohida stend shaklida joylashtirish vazifalari yuklatilsin.

4. 
   Jamoatchilik va ommaviy axborot vositalari bilan aloqalar bo‘limi (A.Umarov) mazkur buyruq bilan tasdiqlanayotgan Umumiy o ‘rta ta’lim muassasasining ichki tartib va odob-axloq qoidalarini vazirlikning rasmiy veb-sahifasi va ijtimoiy tarmoqlardagi manzillariga joylashtirsin.
   
5. 
   Xalq ta’limi vazirining 2012-yil 7-iyundagi “Umumiy o ‘rta ta’lim maktabining ichki tartib qoidalarini takomillashtirish to‘g ‘risida”gi 177-sonli hamda 2013-yil 28-fevraldagi “Umumiy o‘rta ta’lim maktab o ‘qituvchi va o ‘quvchilarining odob-axloq qoidalari”ni tasdiqlash to‘g ‘risida”gi 74-sonli buyruqlari o ‘z kuchini yo‘qotgan deb hisoblansin.
   
6. 
   Mazkur buyruqning ijrosini nazorat qilish vazir o ‘rinbosari D.Kenjayev zimmasiga yuklatilsin.