Umumiy o‘rta ta‘lim muassasalarida Aqliy rivojlanishida muammolari bo‘lgan bolalar uchun tashkil etiladigan korreksion sinflar uchun tayanch o‘quv dasturlari

Texnologiya “Qo‘l mehnati” o‘quv dasturi quyidagi bo‘limlarga ajratiladi:
Tayyorlov davri (1-sinfda):
- qog‘oz bilan ishlash;
- loy va plastilindan buyumlar yasash;
- tabiiy materiallar bilan ishlash;
- ip va gazlama bilan ishlash;
- bir marta ishlatiladigan buyumlardan narsalar yasash;
- yog‘och bilan ishlash.
Mehnat faoliyatining barcha bosqichlarida o‘quvchining og‘zaki nutqi rivojlanib boradi. Shuningdek, qo‘l mehnati darslari o‘qish, odobnoma, tasviriy san’at, matematika darslari bilan bog‘liq holda olib boriladi. O‘qituvchi bajariladigan ishni o‘quvchilarning bilish imkoniyatlariga qarab tanlaydi va moslashtiradi. Bunda bilim va amaliy ishni soddalashtirish, ularni qisimlarga bo‘lish va ularning har birini alohida o‘rganish kabi usullar qo‘llaniladi.
Dastur materiali har bir sinf o‘quvchisining yosh xususiyatlarini hisobga olib, uni soddalashtirish yoki murakkablashtirish imkonini beradi.
Dasturda mavzular quyidagi bo‘limlarga ajratilgan:
Amaliy ish.
Texnik ma‘lumotlar.
Ish usullari.
Texnologiya “Qo‘l mehnati” mashg‘ulotlari alohida jihozlangan xonalarda o‘tkazilishi tavsiya etiladi.


O‘QUV DASTURI
1-SINF (66 soat)
I. Bo‘lim (17 soat)
Tayyorlov davri (2 soat). Mehnat va kasblar haqida suhbat. Qo‘l mehnati darslarida ish joyini tashkil qilish, texnika xavfsizligi qoidalariga amal qilish. Qo‘l mehnati darslarida qo‘llaniladigan asbob uskunalar bilan tanishtirish, ularni asrab avaylashga o‘rgatish.
Atrofimizdagi narsalarni farqlash: rangi bilan, geometrik shakllari bilan farqi. Asosiy ranglarni nomlash.
Plastilin yoki loy bilan ishlash (7 soat). Amaliy ish. Plastilindan buyum yasashni mashq qilish: narvon, zina va to‘siq yasash. Shar shaklidagi buyumlar yasash: koptok, Shar shaklidagi meva va sabzovotlar yasash: (olma, shaftoli, sholg‘om, pomidor olcha). Oval shakli: olho‘ri.
Texnik malumotlar: Loy va plastilin haqida ma‘lu-mot. Loy va plastilin turlari va hossalari: quruq, qat-tiq, yumshoq loy. Iliq, yumshoq, mayin plastilin. Loyning rangi, sariq, kul rang. Plastilin rangi: qizil, oq, yashil, ko‘k, sariq, qora, jigarrang. Loy va plastilin bilan ishlaganda ish joyini tashkil etish.
Ish usullari: Plastilin va loyni kaftda va tekis taxtacha ustida doiraviy harakatda ishlov berib, yumaloq shaklga keltirish, yuqori qismini bosib, chuqurlashtirib olma shakliga keltirish. Kaftda yoki tekis taxtacha ustida doiraviy harakatda ishlov berib, oval shaklica keltirish va olhori yasash.