Umumiy o‘rta ta’lim maktablari o‘qituvchilari o‘rtasida

4-bob. Musobaqa ishtirokchilari va o‘tkazish tartibi

6. Musobaqa Qoraqalpog‘iston Respublikasi, viloyatlar va Toshkent shahar bosqichi g‘olibi bo‘lgan 14 ta jamoa o‘rtasida “Yoshlik” jismoniy tarbiya va sport jamiyati Markaziy kengashi tomonidan ishlab chiqilgan dasturda (keyingi o‘rinlarda Dastur deb yuritiladi) belgilangan o‘yinlar bo‘yicha o‘tkaziladi.

7. Musobaqada ishtirok etuvchi har bir jamoa tarkibida jami 16 nafar (8 nafar erkak va 8 nafar ayol) o‘qituvchi bo‘lishi shart.
8. Jamoa bilan 1 nafar jamoa murabbiyi hamda 1 nafar shifokor bo‘lishi lozim.


5-bob. Musobaqada qatnashish uchun talabnoma berish tartibi,
muddati va shartlari

9. Hududiy bosqichda g‘olib bo‘lgan jamoalar, musobaqada ishtirok etish uchun oldindan beriladigan talabnomalarni O‘zbekiston “Yoshlik” jismoniy tarbiya va sport jamiyati Markaziy kengashiga joriy yilning 30-may kunidan kechikmasdan taqdim etishlari zarur.

10. Berilgan talabnomalar Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari, Toshkent shahar xalq ta’limi bosh boshqarmasi, “Yoshlik” jismoniy tarbiya va sport jamiyati mintaqaviy bo‘limi hamda joylardagi tibbiyot muassasalari tomonidan tasdiqlangan bo‘lishi shart.
11. Talabnomalarda ishtirokchilarning 3x4 o‘lchamdagi rangli fotosuratlari aks etgan bo‘lishi shart. Talabnomaning namunasi Tashkiliy qo‘mita tomonidan taqdim etiladi.
12. Musobaqada ishtirok etuvchi jamoa mandat hay’atiga dastlabki uch bosqichda musobaqalarning o‘tkazilganligi to‘g‘risidagi (foto, video, yozma) hisobot taqdim etishlari kerak.
13. Musobaqada ishtirok etuvchi jamoalar quyidagi hujjatlarni taqdim etadilar:
maktab direktorlari tomonidan tasdiqlangan ma’lumotnoma (4x5 o‘lchamdagi fotosurati bilan);
jamoaning fotosurati (18x24);
sug‘urta polisi.
14. Mazkur Nizomning 13-bandida keltirilgan hujjatlarni to‘liq yoki qisman taqdim etmagan jamoalar musobaqalarga qo‘yilmaydi.
15. Hujjatlar musobaqadan bir kun oldin bosh hakam va mandat hay’atiga taqdim etiladi.