Umumiy lot p65

Me’da shirasi sekretsiyasi pasayganda qo‘llaniladigan vositalar. Me’da bezlarining normal faoliyati susayganda, me’da shirasi kamayganda me’da shirasini oshiruvchi dori vositalari qo‘llaniladi. Me’da shirasi o‘rnida ishlatiluvchi o‘rinbosar moddalar va me’da shirasi ajralishini oshiruvchi dori vosita- lariga quyidagi preparatlar kiradi:

• 
  tabiiy va sun’iy oshqozon shirasi 100—150 ml fl.;
  
• 
  suyultirilgan xlorid kislotasi 3 % — 200 ml fl.;
  
• 
  pepsin 0,2—0,5 tabl. va 15 ml fl.;
  
• 
  asidin pepsin 0,25 tabl.;
  
• 
  festal drajeda;
  
• 
  panzinorm forte tabl.
  

Tabiiy va sun’iy oshqozon shirasi va suyultirilgan xlorid kislota me’da shirasi fermentlarining faoliyatini aktivlashtiradi, me’da osti bezi sekretsiyasini kuchaytiradi va jigar o‘tining o‘n ikki barmoq ichakka tushishini ko‘paytiradi.
Asidin-pepsin gipo va anotsid gastritlarda, axiliyada (me’da shirasi ajralmaganda) va OISning dispepsiya holatida yaxshi yordam beradi va qariyalarda ko‘p uchraydigan hazm qilish ja- rayonining buzilishida qo‘l keladi.
Festal — panzinorm va mezim preparatlari me’da, me’da osti bezining fermentlari o‘rnini bosadi hamda ularning ajralishini reflektor yo‘l bilan jadallashtiradi. Bu preparatlarni ovqat vaq- tida yoki ovqatdan oldin 1 kunda 2—3 marta qabul qilinadi.