Umumiy lot p65

Anaprilin (0,01 va 0,04 tabl.) qon bosimi bilan birga ke­chuvchi turli xil aritmiyalarda keng qo‘llaniladi. Uning gipo­tenziv ta’siri qon tomirlardagi adrenoretseptorlarni blokadalash hisobiga bo‘ladi.
Anaprilin bradikardiya, bo‘shashishlik, bronxospazm, ko‘ngil aynishi va uyquning buzilishi kabi nojo‘ya ta’sirlarni yuzaga chiqaradi.
Benzogeksoniy (0,1 tabl. va 2,5 % — 1 ml amp.) perife- riyadagi tomirlarning spazmida, qon bosimi kasalligi va giper- tonik krizda ishlatiladi. Shuningdek, preparat bronxial astma, me’da va o‘n ikki barmoq ichak kasalliklarida qo‘l keladi.
Preparat qo‘llanganda, ortostatik kollaps, og‘iz qurishi, pe­shob qopining atoniyasi, bosh aylanishi, taxikardiya va boshqa nojo‘ya ta’sirlarni keltirishi mumkin.
Tomir mushaklarini bo‘shashtiruvchi spazmolitik prepa- ratlarga:

• 
  papaverin 0,01 va 0,04 tabl., 2 % — 2 ml amp.;
  
• 
  dibazol 0,004 va 0,02 tabl., 1 % — 1 ml amp.;
  
• 
  magniy sulfat 25 % — 5 ml va — 20 ml amp. va boshqa preparatlarni kiritish mumkin.
  

Bu preparatlar qon tomirlar silliq mushaklarining tonusi oshganda, ularni pasaytirish va qon bosimini tushirish uchun qo‘llaniladi. Ular qorin bo‘shlig‘idagi organlarning spazmi bilan kechuvchi og‘riqlarda ham qo‘llaniladi. Shuningdek, bronxial astmada, bosh miya tomirlari va periferik tomirlar spazmida keng qo‘llaniladi. Gipertonik krizda ushbu preparatlarning aralashmasi parenteral yo‘l bilan yuboriladi.