Umumiy lot p65

Nojo‘ya ta’sirlari: terida qizil toshmalar paydo bo‘ladi, Par­kinson kasalligi belgilari chiqadi, leykopeniya, qo‘rquv, vahima va uyqusizliklar yuzaga chiqishi mumkin.

3. 
   Rauvolfiya alkaloidi va uning unumlari ichida neyroleptik ta’sirga ega bo‘lgan preparatlarning klassik vakili bo‘lib rezerpin hisoblanadi. Rezerpin tabletkada (0,0001 va 0,00025) chiqariladi.
   

Rezerpinning neyroleptik ta’siri aminazin va boshqa feno- tiazin unumlarining neyroleptik ta’siridan ancha past. Shuning uchun ham u psixoz va boshqa ruhiy kasalliklarda ishlatiladi.
Rezerpinning asosiy ta’siri, bu uning markaziy asab sistema- sini tinchlantiruvchi va qon bosimini tushiruvchi ta’siridir. Prepa­rat uyqusirash, lanjlik va atrof-muhitga beparvolik holatlarini yuzaga chiqaradi, ammo bu paytda kasalning tashqaridan bo‘la- digan ta’sirlarga nisbatan javob berish qobiliyati saqlanib qoladi. Boshqa neyroleptik dorilar singari narkotik, analgetik va uxlatuvchi dorilar ta’sirini oshiradi. Harorat tushadi, nafas sekinlashadi.
Rezerpin ta’sirida parasimpatik asab tonuslari oshib ketadi. Natijada mioz, ptoz, bronxlar sekretsiyasining oshishi, oshqo- zon-ichak sistemasi sekretsiyasi va harakatining oshishi, qon bo- simining tushishi, bradikardiya va tomir tonusini oshiruvchi reflekslar pasayadi.
Rezerpinni og‘ir yurak-qon tomir sistemasining organik xastaligi, bradikardiya, nefroskleroz va markaziy asab sistema- sining sklerozida, oshqozon-ichak sistemasida yarasi bor bemor- larga berib bo‘lmaydi.