Umumiy lot p65

Amyobalarga qarshi qo ‘llanadigan vositalar. Amyobiaz amyobalar paydo qiladigan ichak kasalligi bo‘lib, asosan, issiq iqlimli mamlakatlarda uchraydi. Bu xastalikni keltirib chiqaruvchi Entamyoba xistolitika hisoblanib, u ichak bo‘shlig‘ida va ichak devorida yashaydi. Ammo organizmning boshqa sistemalarida va organlarida ham uchrashi mumkin. Jigarga darvoza venasi orqali o‘tib gepatit va abssess chaqiradi. Ba’zan o‘pka abssessini yoki boshqa organlarda ham kasallik keltirib chiqarishi mumkin. Shularga o‘xshash asoratlarni hamda kasalliklarni (amyobiaz- larni) davolash va oldini olish uchun turli xil kimyoviy vositalar ishlatiladi. Masalan:

1. 
   patologik jarayonlarning qayerda joylashishidan qat’i nazar ta’sir etuvchi preparat — metronidazol;
   
2. 
   amyobalar ichak bo‘shlig‘ida bo‘lganida to‘g‘ridan to‘g‘ri ta’sir etuvchi — xiniofon;
   
3. 
   amyobalar ichak bo‘shlig‘ida va ichak devorlarida joylash- ganda ta’sir etuvchi — tetratsiklinlar;
   
4. 
   amyobalar ichak devorida va jigarda joylashganida to‘qimalarga ta’sir etuvchi — emetin gidroxlorid;
   
5. 
   amyobalar, ayniqsa, jigarda joylashganida samarali ta’sir etuvchi — xingamin.
   

Amyobali dizenteriyani davolashda antibiotiklar, tetratsik- linlardan ham foydalaniladi.