Umumiy kimyo va fizika

Polidentant ligandlar-markaziy atom bilan ikki va undan ortiq bog’ hosil qiladigan ligandlar.
Xelat yoki ichki kompleks birikmalar-polidentant ligandlar bilan hosil qilingan kompleks birikmalar.
Beqarorlik konstantasi-kompleksning ionlarga ajralish (parchalanish) konstantasi.
Barqarorlik konstantasi-beqarorlik konstantasiga teskari bo’lgan kattalik.
Termodinamik barqarorlik konstantasi-moddaning tabiati va haroratga bog’liq bo’lgan hosil bo’lish muvozanat konstantasi.
Kontsentratsion barqarorlik konstantasi-modda tabiati, eritmaning harorati va ion kuchiga bog’liq bo’lgan hosil bo’lish muvozanat konstantasi.
SHartli barqarorlik konstantasi- modda tabiati, eritmaning harorati, ion kuchiga va raqobat reaksiyasiga kirishadigan begona moddalar kontsentratsiyasiga bog’liq bo’lgan hosil bo’lish muvozanat konstantasi.
Hosil bo’lish funktsiyasi-ligandning kompleksga bog’langan qismi kontsentratsiyasining metall ioni umumiy kontsentratsiyasiga nisbati.
Organik reagent-tarkibida metall ioni bilan kompleks hosil qiluvchi bitta yoki bir necha funktsional guruh tutgan organik birikma.
Xelat effekti-polidentant ligandning metall ioni bilan bir yoki bir necha halqali kompleks birikma hosil qilishi. Bunda kompleks birikmaning barqarorligi halqalar soni ortishi bilan ortadi.
Ligandning dentantliligi-organik reagentning metall ioni bilan hosil qilgan bog’larning umumiy soni.
Neytral xelatlar-tashqi sferasi bo’lmagan kompleks birikmalar.
Analogiya nazariyasi-bu ayrim tur organik reagentlar ta’siri bilan suv, ammmiak, H₂S kabi anorganik birikmalar ta’sirida o’xshashlikning kuzatilishi.
Oksidlovchi-elektron qabul qiladigan zarracha.
Qaytaruvchi-elektron beradigan zarracha.
Elektr yurituvchi kuch (E.Yu.K.)-berilgan qaytaruvchi elektronlarining berilgan oksidlovchiga o’ta olish qobiliyati.
Elektrod potentsiali-berilgan elektrod va standart vodoroddan tuzilgan elementning elektr yurituvchi kuchi.