Umumiy doc

20.2.3 Sanoat tarmoqlari 
Ko‘p yillar davomida ma’lumotlar almashish tizimi an’anaviy markazlashgan 
sxema bo‘yicha qurilib, unda kuchli hisoblash qurilmasi va juda ko‘p miqdordagi 
kabellar mavjud bo‘lib, ular yordamida datchiklar va ijrochi mexanizmlar ulanar edi. 
Bunday tuzilma elektron hisoblash texnikasining yuqori narxda bo‘lishi va ishlab 
chiqarishning avtomatlashtirishi nisbatan past darajada bo‘lishini taqozo etar edi. 
Bugungi kunga kelib bu yondashuvning tarafdorlari amalda qolmadi. Markazlashgan 
TJABT ning kabel tarmog‘iga qilinadigan xarajatlar va qo‘shimcha qurilma, 
montajning murakkabligi, puxtaligi pastligi va rekonfigurasiyasining murakkabligi 
kabi kamchiliklari ularni ko‘pchilik hollarda iqtisodiy jixatdan ham texnologik 
jihatdan ham mutlaqo qo‘llanilmaydigan qilib qo‘ydi. 
Mikroprosessorli qurilmalarni ishlab chiqarish jadal o‘sayotgan sharoitda 
oralaridagi almashuv raqami usulda amalga oshiriladigan ko‘pgina uzellar tuzilgan 
raqamli sanoat tarmoqlari (Fieldbus) muqobil echim bo‘lib qoladi. Bugungi kunga 
kelib bozorda avtomatlashtirish tizimida qo‘llaniladigan sanoat tarmoqlari, 
protokollari va interfeyslarning taxminan yuzlab turli xillari mavjud; ular orasida 
Modbus, PROFIBUS, Interbus, Bitbus, CAN, LON, Foundation, Fieldbus, Ethernet 
va boshqalar. 
Sanoat tarmog‘idan foydalanish uzellari ya’ni ular sifatida ishtirok etayotgan 
kontrollerlarni va kiritish-chiqarish qurilmalarini chetki qurilmalarga (datchiklar va 
ijrochi mexanizmlarga) makmsimal yaqin joylashtirishga imkon beradi, shu tufayli 
analogli simlarni uzunligi qisqaradi. Sanoat tarmog‘ining har bir uzeli bir nechta 
vazifani bajaradi: 
1.
Sanoat tarmog‘ining boshqa uzellaridan buyruqlar va ma’lumotlar qabul qilib 
olish; 
2.
Ulangan datchiklardan ma’lumotlarni o‘qib olish; 
3.
Olingan ma’lumotlarni raqamli shaklga almashtirish; 
4.
Dasturlashtirilgan texnologik algoritmni qayta ishlash; 
PDF created with pdfFactory Pro trial version 
www.pdffactory.com

---

580 
5.
Boshqa uzel buyrug‘iga ko‘ra yoki texnologik algoritm bo‘yicha ulangan 
ijrochi mexanizmlarga boshqaruvchi ta’sirlarini chiqarish; 
6.
Yig‘ilgan (to‘plangan) axborotni boshqa tarmoq uzellariga uzatish. 
Sanoat 1089 tarmoqlari negizidagi TJABT lari an’anaviy marazlashgan 
tizimlarga nisbatan bir qancha xususiyatlarga ega: 
1.
Kabel maxsulotini ancha tejash. Bir qancha kilometr uzunlikdagi qimmat 
kabellar o‘rniga bir necha yuz metr arzon o‘ralgan juft talab etiladi. 
SHuningdek, qo‘shimcha qurilmalarga (kabel kanallari, klemmalar, shkaflar) 
xarajatlar qisqaradi.
2.
Boshqarish tizimi puxtaligini oshirish. Puxtaligiga ko‘ra ma’lumotlarni 
uzatishning raqamli uslubi analog usulidan ancha ustun turadi. Raqamli uzatish 
xalaqitlarga nisbatan sezgirlar kam va sanoat tarmoqlari protokollariga (nazariy 
summalari, ma’lumotlarning buzilgan paketlarini takrorlash) o‘rnatilagn 
maxsus mexanizmlar tufayli axborotni etkazib berishni kafolatlaydi. Sanoat 
tarmoqlari negizidagi TJABT larning faoliyat ko‘rsatilishning puxtaligini va 
yashovchanligini oshirish shuningdek turli xil tarmoq uzellari bo‘yicha nazorat 
qilish va boshqarish vazifalarining taqsimlanishi bilan bog‘liq. Bir uzelning 
ishdan boshqa uzellardagi texnologik algoritmlar ishlashiga ta’sir etmaydi yoki 
arzimas darajada ta’sir ko‘rsatadi. Kritik jihatdan muhim texnologik 
uchastkalar uchun aloqa liniyalarini takrorlash yoki axborot uzatishning 
muqobil yo‘llari mavjud bo‘lishi mumkin. Bu kabel tarmog‘i shikastlanganda 
tizimning ishlash qobiliyatini saqlab qolishga imkon beradi. 
3.
Ixchamlik va shaklini o‘zgartiruvchanligi. Ayrim kiritish-chiqarish nuqtalarini 
va xatto butun bir uzellarini qo‘shish yoki olib tashlash kam miqdordagi 
montaj ishlarini talab etadi va avtomatlashtirish amalga oshirilishi mumkin. 
Tizimning konfigurasiyasini o‘zgartirish dasturiy ta’minot darajasida amalga 
oshiriladi va u ham juda oz vaqtni oladi. 
4.
Ochiq tizimlar, ochiq texnologiyalar prinsiplaridan foydalanish turli xil ishlab 
chiqaruvchilardan olingan mahsulotlarni yagona tizimga muvaffaqiyatli 
birlashtirishga imkon beradi. 
PDF created with pdfFactory Pro trial version 
www.pdffactory.com

---

581 
1978 yilda standartlashtirish bo‘yicha xalqaro tashkilot (ISO) berk tarmoq 
tizimlariga qarama-qarshi va ochiq tizimlarning turli xil hisoblash qurilmalari hamda 
farq qilinuvchi protokollar standartlari bilan o‘zaro ta’sirlashuvi muammosini hal 
etish maqsadida «Ochiq tizimlarning o‘zaro aloqasining tavsifiy modeli» (OSI-
model, ISO/OSI Model) taklif etilgan edi. ISO/OSI modeli tarmoq vazifalarini ettita 
sath bo‘yicha taqsimlaydi (20.1-jadval).
Fizik sathda aloqa kanalining fizik tavsiflari va signallar parametrlari masalan, 
kodirovka turi, uzatish chastotasi, liniya uzunligi va turi, shtenerli raz’em turi va h.k. 
eng ko‘p tarqalgan fieldbus 1-sath standarti-bu RS-485 interfeysidir. 
Kanalli sath fizik sathning tarmoq uzellari tomonidan birgalikda foydalanish 
qoidalarini belgilaydi. 
Tarmoq sathi optimal marshrut bo‘yicha tekstni adreslash (manzillash) va eltib 
berish uchun javob beradi. Transport sathi paketdagi mavjud narsalarni aniqlaydi.
20.1-jadval