Умумий қоидалар

Малака талаблари:

• 
  институтда бошқарув лавозимида зарур бўлган касбий ва ташкилотчилик қобилиятларига, таълим соҳасида раҳбарлик иш тажрибаси ва стажига, фаолият тури ва ваколатлари доирасида тегишли билим ва кўникмаларга;
  
• 
  намунавий шахсий фазилатларга-интеллект, маданиятли, етакчилик, ижодий қобилиятлар, хушмуомалалик, ташкилотчилик, ташаббускорлик ва тадбиркорлик қобилиятларига эга бўлиш, масъулият ҳисси, мустақил қарор қабул қилиш ва иш тутиш, қатъий ҳаракат қилиш, муассаса стратегик мақсадларига эришишни таъминлаш хусусиятларига эга бўлиши;
  
• 
  олий маълумотга эга бўлиши;
  
• 
  йўналиши бўйича камида 3 йиллик самарали иш стажига эга бўлиши зарур.
  

Классификатор бўйича:

Т/р	Лавозим номи	ММСК бўйича код	Ходимлар тоифаси	Маълумотининг энг паст даражаси	ЎМКТМТЙКМ ва ОТЙМК бўйича коди
532	Ахборот - ресурс маркази директори	1319	Б	Олий маълумот	5А5350601

Директор ўринбосарининг лавозим вазифалари


Директор ўринбосарининг лавозим вазифаларига қуйидагилар киради:

• 
  кутубхона (ахборот-ресурс маркази)да маънавий-маърифий йўналишдаги ишларни олиб бориш, касбий билимларни эгаллашга кўмаклашувчи адабиётларнинг кенг китобхонлар доирасига етказилишини таъминлаш;
  
• 
  профессор-ўқитувчилар, ходимлар ва талабаларга ўз вактида хизмат кўрсатилиши, ахборот ишлари, кўргазмалар, витриналар ҳамда бошқа энг фаол ва таъсирчан китоб тарғиботи тадбирларининг ташкил этилиши устидан назоратни амалга ошириш;
  
• 
  иш жараёнида институтнинг барча бўлинмалари билан доимий алоқа боғлаб туриш;
  
• 
  кутубхона (Ахборот-ресурс маркази) фаолияти белгиланган шаклда ўз вақтида ва мунтазам суратда ҳисобга олиб борилишининг ташкил этилиш, меҳнат қонунчилигига, меҳнатни муҳофаза қилиш, ёнғинга қарши ҳимоя қоидаларига риоя этишининг назорат қилиш;
  
• 
  жамоат ташкилотлари билан биргаликда жамоада тарбиявий ишларни олиб бориш, ходимларнинг малакасини оширишга кўмаклашиш;
  
• 
  кутубхона (Ахборот-ресурс маркази)ни хўжалик қисми бўйича барча зарур нарсалар билан таъминлаш, кутубхона (ахборот-ресурс маркази)даги тартибни кузатиб бориш;
  
• 
  маълумотнома-қидирув аппаратининг ҳолатини кузатиб бориш;
  
• 
  маълумотнома-ахборот бўлимининг ишига мутасаддилик қилиш, “Ахборот куни” тадбирларини мунтазам ўтказишни ташкил этиш, китоб-суратлар кўргазмаларнинг долзарблигини, китобхонларга маълумотнома-библиографик хизмат кўрсатилишини кузатиб бориш;
  
• 
  маълумотнома-библиографик бўлимининг ходимлари билан биргаликда талабалар билан машғулотларни ташкил этиш ва ўтказиш, стажёр-тадқиқотчи-изланувчи, профессор-ўқитувчилар таркиби ва институт ходимлари ўртасида библиография ва ахборот билимларини тарғиб этиш;
  
• 
  амалдаги қонунчилик асосида бошқа вазифаларни бажариш.