Umarova Zulfiya Keys

301-gurux talabasi
Umarova Zulfiya


Keys
Respublikamizda oliy ta‘lim muassasalariga test sinovlari
orqali qabul qilish yo‘lga qo‘yilgan. Test sinovlarining afzalliklari
mavjud bo‘lishiga qaramasdan, o‘qishga qabul qilingan talabalarning
bilimlarida muayyan kamchiliklar uchraydi. Ularning ba‘zilarida nutq va muloqot madaniyati past darajada, o‘z fikrini bayon etish, fikrini asoslash ko‘nikmalari, ijodiy va mustaqil fikr yuritish ko‘nikmalari tarkib topmaganligi ma‘lum bo‘ladi.
Savollar:
1.Muammo nimadan iborat?
2. Mazkur muammoni hal etish uchun professor-o‘qituvchilar qanday
ishlar olib borishi lozim deb o‘ylaysiz?
3.Siz bu muammoga qanday yechimlar taklif qilasiz?


Keysni yechish jarayoni:
1. Talabalar keys mohiyatini u bilan tanishish orqali kichik
guruhda muhokama qilishadi.
2.Talaba kichik guruh a‘zolari bilan hamkorlikda muammoni hal
etishga zamin tayyorlaydigan omillarni aniqlaydi.
3. Muammoni hal etishga imkon beradigan omillardan eng muhimlari
ajratib olinadi.
4.Kichik guruh a‘zolari umumiy fikr asosida eng muhim omillarni
bayon etadi.
5.Kichik guruhlarning fikrlari tahlil etiladi va umumiy xulosa
yasaladi.

O‘qituvchining yechimi

1-omil: Davlat Test markazi tomonidan fanlar bo‘yicha tuzilgan test
topshiriqlari standart testlar bo‘lib, abiturientlarning fan asoslarini o‘zlashtirish darajasini aniqlashga emas, balki ularning xotirasining kuchlilik darajasini aniqlaydi.
2-omil: Professor-o‘qituvchilar o‘qishga qabul qilingan talabalarning nutq va muloqot madaniyati, o‘z fikrini bayon etish, fikrini asoslash ko‘nikmalari, ijodiy va mustaqil fikr yuritish ko‘nikmalarini rivojlantirish maqsadida nostandart o‘quv va test topshiriqlaridan foydalanishi lozim.